"Hizbullah" "Nusra Cəbhəsi" terrorçularını qaçmağa məcbur edib

Livan müqavimət hərəkatı "Hizbullah" "Nusra Cəbhəsi" terrorçularını qaçmağa məcbur edib İslamazeri.az-ın "Almanar"-a istinadən verdiyi xəbərə görə, Livan müqavimət hərəkatı olan "Hizbullah" təşkilatının hərbçiləri növbəti uğurlarını qazanıb. Belə ki, Livanın cənubunda Suriya ilə sərhəd dağlıq ərazisində yerləşən Cərud Ərsal şəhərindəki Əş-Şuruq və Səllyadcat Əl-Bərc məntəqələri "Hizbullah" hərbçilərinin nəzarətiinə keçib. Adıçəkilən əraziləri ələ keçirdikdən sonra "Hizbullah" Ər-Rəhva düzənliyinə tam nəzarət etmək imkanı əldə edib. Bundan qorxuya düşən "Nusra Cəbhəsi" terrorçuları yaxın rayonlarda yerləşən düşərgə və bazalarını tələm-tələsik yığışdıraraq qaçmağa məcbur qalıb. Bundan əlavə, "Hizbullah" ordusu Ər-Rəhva düzənliyinə nəzarət edən digər strateji yüksəklikləri olan Vali Əl-Hel və Vali-Atnini öz nəzarətinə keçirib. "Nusra Cəbhəsi" terrorçuları verdiyi çox saylı itkilər səbəbindən sıralarında təşviş və qorxu artıb. Qeyd edək ki, bir neçə müddətdir ki, "Hizbullah" və Suriya ordusu Livan-Suriya sərhədi ərazisindəki Qələmun bölgəsində "Nusra Cəbhəsi" terrorçularna qarşı geniş miqyaslı hərbi əməliyyatlar keçirir.

İslamazeri