Ermənistanda 7 nəfərin ölümünə səbəb olan yol-nəqliyyat hadisəsi baş verib.

ANS PRESS-in məlumatına görə, hadisə Loriyski vilayəti yaxınlığında baş verib. "Volkswagen Touareg" markalı avtomobil yüksək sürətlə hərəkət edərkən yoldan çıxıb və daşlığa çırpılıb. Avtomobil yol kənarındakı maneələrə dəydikdən sonra alışıb və yanmağa başlayıb.

İlkin ehtimala görə, qəzanın baş verməsinə səbəb bir heyvanın maşının qarşısına çıxması olub. Stepanavan tibb mərkəzinin direktoru Robert Kosinyan bildirib ki, avtomobildə olanların hamısı cavanlar olub. Onlar manedən qaçmağa çalışarkən yoldan çıxıblar və ağaca dəyiblər, daha sonra maşın yanıb. Maşında olan bütün sərnişinlər hadisə yerində yanaraq ölüblər.
Həkim həmçinin bildirir ki, ölən erməni gənclərinin bədəni yandığı üçün onların cəsədlərini müəyyənləşdirməkdə çətinlik çəkirlər.
Maşının alışmasına səbəb qəza zamanı qaz balonunun partlaması olub. Avtomobilin salonunda olan bütün sərnişinlər diri-diri yanıblar.
Ölənlər Vanik Mardoyan (21 yaş), Karen Xaçatryan (22 yaş), Qevork Poqosyan (24 yaş), Vaaqna Albertyan (24 yaş), Arman Tonoyandır (22 yaş). Həlak olmuşlar arasında həmçinin Qaspar Qukeyan (22 yaş) və İrəvan sakini Artur Balyan da (22 yaş) olub .