Partlayışın məsuliyyətini İŞİD öz üzərinə götürüb

Yəmənin paytaxtı Sana şəhərindəki 3 fərqli məsciddə partlayış baş verib. ANS PRESS-in məlumatına görə, partlayışlar nəticəsində onlarla insan ölüb və xəsarət alıb. Husilərin nəzarətində olan "Saba" agentliyi bildirir ki, hadisələr Sananın mərkəzində Hail prospektindəki "Qubbətulhadra", Ziraa məhəlləsindəki "Kebsi" və əl Cərraf bölgəsindəki "Haşuş" məscidlərində baş verib. 3 məsciddə ümumi 4 bomba partladığıldığı bildirilsə də insident nəticəsində ölənlərin və yaralananların dəqiq sayı göstərilməyib.

İŞİD terror təşkilatına aid saytlardan birində hücumların qruplaşma tərəfindən həyata keçirildiyi, əsas hədəfin husilərə aid məscidlər olduğu qeyd edilib.

Qeyd edək ki, ramazan ayı başlasa da yerlilər bu ayda kütləvi şəkildə məsciddə qılınan təravih namazlarını qılmaq üçün məscidə getməyə qorxurlar.