8-02-2020, 19:17 Oxunub: 277

Şabranın icra başçısından özbaşınalıq - Müraciət...

Şabranın icra başçısından özbaşınalıq - Müraciət...


Şabran rayonu Pirəbədil Bələdiyyəsinin sədri Nuriyev Camaləddin Müzafəddin oğlu Azərbaycan Respublikasının Prezidenti İlham Əliyev cənablarına, Birinci vitse-prezident Mehriban Əliyevaya, Baş Prokuror Zakir Qaralova, Birinci vitse-prezidentin katibliyinin rəisi Altay Həsənova, Prezidentin köməkçisi, Ərazi təşkilat məsələləri şöbəsinin müdiri Zeynal Nağdəliyevə və KİV-ə müraciət ünvanlayıb. Həmin müraciətin bir nüsxəsi də Azinforum.az saytına göndərilib.
Müraciətdə deyilir: “Hörmətli möhtərəm prezident! Məlumat üçün bildirirəm ki, 10 il Şabran rayon Pirəbədil Bələdiyyəsinin sədri vəzifəsində işləmişəm. Sonuncu bələdiyyə seçkilərində bələdiyyə üzvü, 18.01.2020-ci ildə isə bələdiyyənin ilk iclasında bələdiyyə üzvlərinin yekdil qərarına əsasən bələdiyyə sədri seçilmişəm və bunu 06.02.2020-ci il tarixdə Ədliyyə Nazirliyinin Xaçmaz Regional Ədliyyə İdarəsi də vəkilimin sorğusuna cavab olaraq təsdiq etmişdir. Seçkilərin nəticələri protokollaşdırılmış, bələdiyyə üzvlərinin imzası və bələdiyyənin möhürü ilə təsdiq edilərək aidiyyatı orqanlara təqdim olunmuşdur. Lakin, 18.01.2020-ci il tarixdə axşam saatlarında Şabran rayon İcra Hakimiyyətinə çağırılmışam. Orada mənə bildirdilər ki, icra başçısı Asif Hüseynovun bələdiyyə sədrliyinə öz namizədi var və o, tələb edir ki, mən sədrlikdən imtina edərək istefa verməliyəm.

Mən, təbii ki, bununla razılaşmadım və bildirdim ki, bələdiyyə seçkili orqandır, icra hakimiyyətinin buna qarışacağı olmamalıdır. Daha sonra mənə bildirdilər ki, sən qanunla danışırsan, amma biz səninlə reallıqdan danışırıq. İcra başçısı həmin bələdiyyənin sədri vəzifəsini başqasına söz verib, Asif Hüseynov çıxılmaz vəziyyətdədir, ona yuxarılardan təzyiqlər var. Ona görə də çalış icra başçısı ilə üz-üzə gəlmə, əks halda başına çox pis hadisələr gələ bilər. Bu minvalla mən dəfələrlə icra hakimiyyətinə, prokurorluğa, polisə çağırılmışam və məndən hər dəfə tələb olunmuşdur ki, bələdiyyəyə aid möhürü və digər rəsmi sənədləri icra hakimiyyətinə təqdim edim. Mən də bundan qəti şəkildə imtina etmişəm. 05.02.2020-ci il tarixdə bələdiyyə işçiləri mənə zəng edərək bildirdilər ki, RİH-nin nümayəndəsi başda olmaqla, bir dəstə şəxs bələdiyyə binasına gələrək binanın giriş qapısını zor tətbiq etməklə sındıraraq içəri daxil olmuş, açarı dəyişmiş və orada olan sənəd və əşyaları götürüb aparmışlar. Mən qanuni şəkildə bələdiyyə sədri seçilməyimə baxmayaraq icra başçısının təzyiqləri nəticəsində öz vəzifələrimi yerinə yetirə bilmirəm. Bununla yanaşı mənim həyatım təhlükə altında qalmışdır. Hər an məni həbs edəcəkləri ilə hədələyirlər. Mən Azərbaycan dövlətinə, onun prezidentinə, ölkənin qanunlarına və ölkə başçısının apardığı demokratik islahatlara inanaraq və arxalanaraq mənə olan təzyiqlərdən qorxmayaraq öz yoluma davam edəcəyəm. Xahiş edirəm ki, bu məsələni xüsusi nəzarətə götürməklə mənə qarşı edilmiş qanunsuzluqlara və təzyiqlərə son qoyulması üçün mənə köməklik göstərəsiniz”.

Azinforum.az olaraq bildiririk ki, şikayətdə qeyd edilən kobud qanun pozuntusu ilə bağlı Şabran rayon icra hakimiyyətinin mövqeyini öyrənmək cəhdlərimiz alınmadı. Onların da münasibətini dərc etməyə hazırıq.
Daha bir icra başçısının qanunsuz hərəkətlərindən Prezidentə ŞİKAYƏT - VİDEO Daha bir icra başçısının qanunsuz hərəkətlərindən Prezidentə ŞİKAYƏT - VİDEO Dunya / Bolge / Video Prezident ailəsi ilə birlikdə bələdiyyə seçkilərində Prezident ailəsi ilə birlikdə bələdiyyə seçkilərində Siyaset / Dunya İki bələdiyyədən 1-ci Vitse-prezidentə şikayət - Müraciət İki bələdiyyədən 1-ci Vitse-prezidentə şikayət - Müraciət Sosial 13 bələdiyyənin adı dəyişdirilir – SİYAHI 13 bələdiyyənin adı dəyişdirilir – SİYAHI Siyaset Azərbaycan Şəhər Bələdiyyələrinin Milli Assosiasiyasının Ümumi Yığıncağı keçirilmişdir Azərbaycan Şəhər Bələdiyyələrinin Milli Assosiasiyasının Ümumi Yığıncağı keçirilmişdir Sosial