6-08-2020, 21:19 Oxunub: 710

Yardımlı icra hakimiyyətinin başçısı məhkəməyə verildi: - Şok səbəb

Yardımlı icra hakimiyyətinin başçısı məhkəməyə verildi: - Şok səbəb


“Araz” Məhdud Məsuliyyətli Cəmiyyəti (MMC) Yardımlı rayon İcra Hakimiyyətini, Yardımlı rayon Astanlı Ərazi İcra Nümayəndəliyini, Yardımlı rayon Astanlı bələdiyyəsinə Yardımlı Astanlı Həkim Ambulatoriyasını, Yardımlı rayon Astanlı kənd klubunu, Yardımlı rayon Astanlı Poçt şöbəsini məhkəməyə verib.

Demokrat.az-ın əldə etdiyi məlumata görə, MMC qeyd olunan cavabdehlərdən 155.912.610 manat pul vəsaitinin və 150.000 manat mənəvi ziyan tutularaq iddiaçıya ödənilməsi tələbinə dair iddia ərizəsi ilə Şirvan İnzibati-İqtisad Məhkəməsinə müraciət edib.

İddiaçı qeyd edib ki, “Araz” Məhdud Məsuliyyətli Cəmiyyəti 17 iyun 2003-cü ildə təsis edilib və Dövlət qeydiyyatından keçib.

İddiaçının nümayəndəsinin qeydlərinə görə, 2003-cü ildən Yardımlı rayon İcra Hakimiyyətinin göstərişi ilə “Araz” Məhdud Məsuliyyətli Cəmiyyəti ilə Astanlı Ərazi İcra Nümayəndəliyi arasında Astanlı Ərazi Nümayəndəliyi üçün inzibati idarə binasının tikilməsi ilə bağlı müqavilə bağlanıb.

“Araz” Məhdud Məsuliyyətli Cəmiyyəti layihə və smeta dəyərini müəyyən edərək (smetanın dəyəri 155.912.610 manat), təsdiq edilməsi üçün Yardımlı rayon İcra Hakimiyyətinə təqdim edib.

İcra başçısı bildirib ki, işlərə başlayın tezliklə tikinti üçün lazım olan vəsaiti, yəni smetada göstərilən məbləği, 155.912,610 manatı “Araz” Məhdud Məsuliyyətli Cəmiyyətinin hesabına köçürülməsi barədə göstəriş veriləcək, “Araz” Məhdud Məsuliyyətli Cəmiyyəti 1 oktyabr 2004-cü il tarixdə binanı layihəyə uyğun olaraq Yardımlı rayon İcra Hakimiyyətinə tam təhvil verib.

Lakin Yardımlı rayon İcra Hakimiyyəti smetada müəyyən olunmuş və təsdiq edilmiş pul vəsaitini “Araz” Məhdud Məsuliyyətli Cəmiyyətinin hesabına köçürməyib.

Yardımlı rayon İcra Hakimiyyətinə müraciət etdikdə büdcədə hələ pul olmadığından gözləmələri bildirilib.

“Araz” Məhdud Məsuliyyətli Cəmiyyəti tərəfindən həmin tikilidə Astanlı Ərazi İcra Nümayəndəliyi, Astanlı bələdiyyəsi, Astanlı Həkim Ambulatoriyası, Astanlı kənd klubu və Astanlı Poçt şöbəsi ilə 1 il müddətinə haqqı ödənilmədən binada yerləşmək və fəaliyyət göstərmək üçün müqavilə bağlanıb.

Bu günə kimi də Astanlı Ərazi İcra Nümayəndəliyi, Astanlı bələdiyyəsi, Astanlı Həkim Ambulatoriyası, Astanlı kənd klubu və Astanlı Poçt şöbəsi də hal-hazırda tikilidə fəaliyyət göstərir, heç bir icarə haqqı ödəmədən orada yerləşir.

Şirvan İnzibati-İqtisad Məhkəməsi “Araz” Məhdud Məsuliyyətli Cəmiyyəti (MMC) Yardımlı rayon İcra Hakimiyyətinə, Yardımlı rayon Astanlı Ərazi İcra Nümayəndəliyinə, Yardımlı rayon Astanlı bələdiyyəsinə Yardımlı Astanlı Həkim Ambulatoriyasına, Yardımlı rayon Astanlı kənd klubuna, Yardımlı rayon Astanlı Poçt şöbəsinə qarşı iddia ərizəsini təmin etməyib.

Bundan sonra “Araz” Məhdud Məsuliyyətli Cəmiyyəti apelyasiya şikayəti verib.

Şirvan Apelyasiya Məhkəməsinin Kommersiya Kollegiyasında hakm Zeynal Zeynalovun sədrliyi ilə baş tutan iclasda Araz” Məhdud Məsuliyyətli Cəmiyyətinin direktoru Rafiq İslam oğlu Tağıyevin iddia ərizəsi təmin olunmayıb.

Qeyd edək ki, hazırda Yardımlı İcra hakimiyyətinin başçısı Ayaz Nəriman oğlu Əsgərovdur.
Bu rayonda da büdcə belə qarət olunur... - İTTİHAM Bu rayonda da büdcə belə qarət olunur... - İTTİHAM Bolge Canınız cəhənnəmə, sizə qaz vermirik, gedin odununuzu doğrayın - GİLEY Canınız cəhənnəmə, sizə qaz vermirik, gedin odununuzu doğrayın - GİLEY Bolge YARDIMLIDA hakimiyyətə qarşı iqtisad TƏXRİBAT: icra başçısı PA adından pul yığır - Faktlar YARDIMLIDA hakimiyyətə qarşı iqtisad TƏXRİBAT: icra başçısı PA adından pul yığır - Faktlar Gundem / Bolge "Ayaz Əsgərov tapşırıb ki..." - Yardımlıdan şikayət Bolge Azərbaycanda regional elektrik şəbəkələri ləğv edildi Azərbaycanda regional elektrik şəbəkələri ləğv edildi Iqtisadiyyat