12-09-2020, 23:16 Oxunub: 157

Başçısı həbs olunan rayonda sakinlər çarəsiz qalıb... - Şikayətlərə baxan yoxdur...

Başçısı həbs olunan rayonda sakinlər çarəsiz qalıb... - Şikayətlərə baxan yoxdur...


Kürdəmir rayonunun Yenikənd kəndinin sakinləri aylardır su problemləri ilə üzləşiblər. DİA.AZ-ın məlumatına görə, bu barədə danışan kəndlilər deyirlər ki, su verilmədiyinə görə əkin sahələri, bağlarda ağaclar quruyub, yeganə gəlir mənbəyindən də məhrum olublar.

Kənd sakini Yadigar Təvəkkül qızı Kazımova deyib ki, su olmadığından illərlə çəkilən əziyyətlər məhv olur: “Yenikənd böyük kənddir. Kəndlilərin əsas dolanışıq mənbəyi əkin-biçin, təsərrüfatdır. Su olmayanda təsərrüfatla məşğul ola bilmirik. Mal-qara, toyuq-cücə də tələf olur”.

Kənddə yalnız suvarma deyil, içməli su problemi də var. Kənd sakinləri içməli suyu pulla alırlar: “Başqa qazanc yerim də yoxdur. Kimin imkanı, tanışı var, ona su tapılır. Mənim kimilərinin də bağında ağacları quruyub, illik məhsulu məhv olur”.

Şikayətçi deyib ki, artıq maşınla su almağa belə pul tapmır: “Bizim evdəki su çəninin tutumu azdır, hər həftə içməli suya 8 manat verirəm. Arxları qazıb, təmizləyirik ki, bəlkə su gələr. Suyu qənaətlə işlədirik, amma bir həftəyə güclə çatır. Axı heyvanları da alınan su ilə suvarırıq”.

Şikayətçi deyib ki, əvvəllər də ara-sıra su problemi olurdu, amma bu il vəziyyət kritik həddə çatıb. Kəndə bulaq çəkilib, amma bulaq və arxlar bütün kəndi əhatə etmir.

Adının açıqlanmasını istəməyən başqa bir kənd sakini deyir ki, təxminən 500 nəfərdən çox sakin su tapmır. Bu barədə dəfələrlə Kürdəmir Rayon İcra Hakimiyyətinə, bələdiyyəyə şikayət edilsə də, baxılmayıb.
Kürdəmirin icra başçısıyla bələdiyyə əlbir olaraq... - GİLEY Kürdəmirin icra başçısıyla bələdiyyə əlbir olaraq... - GİLEY Bolge Saatlıya başçı heç də uzaqdan gəlməyib... - Amma sakinlər onunla ünsiyyətə keçə bilmir Saatlıya başçı heç də uzaqdan gəlməyib... - Amma sakinlər onunla ünsiyyətə keçə bilmir Bolge Başçı Biləsuvarda narazılıq yaradır... - Məmur əkin əkir, kəndli dərd çəkir... Başçı Biləsuvarda narazılıq yaradır... - Məmur əkin əkir, kəndli dərd çəkir... Dunya / Bolge Lerik sakinləri başçıdan giley edir - Yollara ayrılan pullar... Lerik sakinləri başçıdan giley edir - Yollara ayrılan pullar... Bolge Qax sakinləri nədən narazılıq edir? - ŞİKAYƏT Qax sakinləri nədən narazılıq edir? - ŞİKAYƏT Bolge