13-02-2016, 19:41

Con Kerri Əsəd, Rusiya və İranı Suriyaya quru qoşunlarının yeridilməsi ilə hədələyib

“Əgər Dəməşqdəki rəhbərlik, Rusiya və İran atəşkəs barədə razılaşmaya əməl etməsə, bu, Suriyaya əlavə quru qoşunlarının yeridilməsinə səbəb ola bilər”.
Con Kerri Əsəd, Rusiya və İranı Suriyaya quru qoşunlarının yeridilməsi ilə hədələyib
APA-nın məlumatına görə, bunu “Orient” telekanalına müsahibəsində ABŞ dövlət katibi Con Kerri deyib.
C. Kerri deyib ki, onlar öhdəliklərini yerinə yetirməsə, dünya ictimaiyyəti bunu sakit izləməyəcək.
Dövlət katibi Rusiyanı atəşkəsə əməl edilməli olduğu rayonları bombardman etməyi dayandırmağa çağırıb.
O, həmçinin İraqdakı “Hizbullah” döyüşçülərinin və şiə üsyançılarının Bəşər Əsəd tərəfdən münaqişədə iştirakına etiraz edib, bildirib ki, onların yeri Suriya deyil: "Onlar öz vətənlərinə qayıtmalıdırlar".