3-04-2016, 17:06 Oxunub: 777

İlham Əliyev həlak olanlarla bağlı tapşırıq verdi

Həlak olanların ailələrinə maddi yardım göstəriləcək.
İlham Əliyev həlak olanlarla bağlı tapşırıq verdi
"Göstəriş verirəm ki, Nazirlər Kabineti həlak olanların ailələrinə maddi yardım göstərmək üçün təkliflər irəli sürsün və Müdafiə Nazirliyi döyüş əməliyyatlarında fərqlənmiş, Vətən uğrunda qəhrəmancasına döyüşmüş insanları təltif etmək üçün mənə təkliflər təqdim etsin." ANS PRESS-in məlumatına görə , bunu Azərbaycan Prezidenti İlham Əliyev aprelin 2-də Azərbaycan Respublikası Prezidentinin yanında Təhlükəsizlik Şurasının iclasında bildirib.
Bu, Ermənistanın ölkəmizə qarşı növbəti silahlı təxribatıdır. Birinci dəfə deyil ki, Ermənistan bu cür təxribatlara əl atır. Bir neçə gün bundan əvvəl Azərbaycan-Ermənistan sərhədində, Qazax istiqamətində də oxşar təxribat törədilmişdir. Bizim mövqelərimizə Ermənistanın təxribatçı qrupları hücum çəkmişlər. Bu hücum nəticəsində iki hərbçimiz həlak olmuşdur. Düşmənə layiqli cavab verilmişdir. Düşmən yerinə oturduldu.
Yəni, bunu demək istəyirəm ki, bugünkü təxribat da Ermənistanın Azərbaycana qarşı məkrli siyasətinin təzahürüdür. Bu gün erməni təxribatı Azərbaycan Ordusu tərəfindən layiqincə cavablandırıldı. Düşmənə çox böyük zərbələr endirildi. Düşmən böyük itkilər verdi. Müdafiə naziri bu gün bu məsələ ilə bağlı daha ətraflı məlumat verəcək. Deyə bilərəm ki, düşmənə sarsıdıcı zərbə vuruldu.
Bununla bərabər, bizim qəhrəman döyüşçülərimiz nəinki təxribatın qarşısını ala bildilər. Eyni zamanda, daha əlverişli hərbi mövqelərə malik oldular. Bu gün təmas xəttində Azərbaycanın üstünlüyü daha da möhkəmləndi. Aparılan hərbi əməliyyat nəticəsində, - onu da qeyd etmək istəyirəm ki, bu əməliyyat təxribata cavab olaraq aparılmışdır, - biz böyük hərbi qələbəni qazandıq. Bu münasibətlə Ordumuzu, bütün Azərbaycan xalqını təbrik etmək istəyirəm.

Əminəm ki, bundan sonra da düşmənin bütün təxribatları cavabsız qalmayacaq. Düşmənə bundan sonra da layiqli cavab veriləcək. Azərbaycan Ordusu buna qadirdir. Azərbaycan övladları öz doğma torpağını müdafiə edirlər, Vətən uğrunda vuruşurlar, şəhid olurlar. Bütün şəhidlərimizin xatirəsi bizim ürəyimizdə yaşayır və əbədi yaşayacaq.
Prezidentin köməkçisi: “Ermənistan beynəlxalq təşkilatların çağırışlarına məhəl qoymur, atəşi davam etdirir Prezidentin köməkçisi: “Ermənistan beynəlxalq təşkilatların çağırışlarına məhəl qoymur, atəşi davam etdirir" Siyaset Azərbaycan prezidenti: “Biz atəşkəsi pozmamışıq, təxribata layiqli cavab vermişik” Azərbaycan prezidenti: “Biz atəşkəsi pozmamışıq, təxribata layiqli cavab vermişik” Siyaset Zakir Həsənov vur əmri verdi Zakir Həsənov vur əmri verdi Gundem İlham Əliyev Qarabağda gedən döyüşlərin sirrini açdı - YENİLƏNİB İlham Əliyev Qarabağda gedən döyüşlərin sirrini açdı - YENİLƏNİB Gundem / Siyaset Ermənilər iriçaplı silahlardan mövqelərmizi Atəşə tutaraq atəşkəsi 120 dəfə pozublar. {3şəhid} Ermənilər iriçaplı silahlardan mövqelərmizi Atəşə tutaraq atəşkəsi 120 dəfə pozublar. {3şəhid} Gundem