Yevlxda “Zeytun Mərahim” saxtakarlığı

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

Yevlxda “Zeytun Mərahim” saxtakarlığı

Gundem / Bolge

Oxunub: 1 600

26 iy 2016 | 12:32

Ölkə əhalisinin keyfiyyətli və təhlükəsiz qida məhsullarına olan təminatlarının ödənilməsi ilə bərabər, keyfiyyətli dərman preparatları ilə təminatı da, qarşımızda duran əsas vəzifələrdən biridir. Baxmayaraq ki, bəzi işbazların saxta əməllərinə qarşı, bu gün də aidiyyəti dövlət qurumları tərəfindən davamlı mübarizə aparılır və belə bir problemlərin aradan qaldırılması istiqamətində əməli addımlar da atılır. Amma, əldə etdiyimiz məlumatlara görə Yevlax şəhəri S.Vurğun küçəsi “Mahir” aptekin arxasında, bir qədər də dəqiq desək işıqfordan təqribən 50 metr aralı məsafədə fəaliyyət göstərən “Zeytun Mərahim” apteki, saxta dərmanların satışına görə xüsusi ad-san da çıxarıb.

Şəhərdəki mənbəmizin bildirdiyinə görə, saxta dərmanların satışına görə adı dillər əzbəri olan “Zeytun Mərahim” aptekin bugünkü sahibi Elnur adlı şəxsdir. Mənbə onu da bildirir ki, vaxtilə o, saxta dərmanların satışı ilə məşğul olduğundan iş başında yaxalanır və qanunsuz əməllərinə aidiyyəti qurumlar tərəfindən “veto” da qoyulur. Amma çox keçmir ki, Elnur adlı şəxs hansısa himayədarının “dobro” deməsindən sonra Bakı şəhərində dərman “depo”su aça bilir və saxta əməllərini davam etdirmək üçün, “Zeytun Mərahim” aptekini qurub formalaşdırır.

Daha çox var-dövlət qazanmaq hərisliyi gözünü örtən və iştahasını heç cür cilovlamağı bacarmayan Elnur adlı şəxs, bu gün saxta dərman satışından əldə etdiyi gəlirə görə, olduqca imkanlı şəxslərdən biri də hesab olunur. Amma, o, heç bir halda heç kimi düşünmür ki, geni dəyişdirilmiş dərman satışı vətəndaşlarımızı hansı müsibətlərə düçar edir. “Təki, pul olsun, təki var-dövlət olsun” deməklə, saxta əməllərini davam etdirən bu şəxsə qarşı aidiyyəti qurumlar tərəfindən tədbir görülməməsi də, hələ ki, hər kəsi düşündürməkdədir. Adı çəkilən aptekdən saxta dərman alan şəxs bizimlə söhbətində bildirdi ki, “təqribən 5-7 gün bundan əvvəl səhhətimdə əmələ gələn problemlə bağlı “Zeytun Mərahim” aptekə üz tutdum və həmin aptekdən “Skladol Brendeks” adlı dərman da aldım. Həmin dərmandan istifadə edən zaman, səhhətimdəki problemlərim daha da çoxaldı. Başqa bir həkimlə məsləhətləşərkən, o, “Skladol Brendeks”in saxta olduğunu müəyyən edə bildi”.

Bəli, bütün bunlar bir daha onu söyləməyə əsas verir ki, bəzi işbazların, o cümlədən Elnur adlı şəxsin də hansısa himayədarına arxalanaraq bu cür əməllərlə məşğul olması, təkcə var-var dövlət qazanamağa deyil, həm də çoxsaylı vətəndaşlarımızın məhvinə yönəlik addımlardır. Çünki, buna bundan başqa ad vermək olmaz.

Problemin varlığını diqqətdə saxlayacağıq.