T. Qaraşov - 18 Oktyabr - Müstəqillik günüdür!

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

Əliyev İrəvanın “ümid yerinə” yön verir - İki ardıcıl zəng

Prezident İlham Əliyev Türkiyə Böyük Millət Məclisinin millət vəkili Mövlud Çavuşoğlunu qəbul edib YENİLƏNƏCƏK

T. Qaraşov - 18 Oktyabr - Müstəqillik günüdür!

Gundem

Oxunub: 2 583

18 okt 2015 | 15:04

18 oktyabr ölkəmizin Müstəqillik günüdür. Şanlı tariximizdir

1917-ci il inqilabından sonra Rusiya İmperiyasının əsarətindən qurtaran xalqımız 1918-ci ilin mayında yenidən öz müstəqilliyini bərpa etdi. Bu vaxt Azərbaycanın ərazisi 114 min kv.km. olmuşdu. Bu müstəqilliyimiz 23 ay davam etmişdir. Yenidən torpaqlarımız bədnam qonşularımız tərəfindən bölüşdürüldü və 86,6 min kv.km. ərazimiz SSRİ-nin tərkibində olaraq qaldı. 70 il İmperiyanın əsarəti altında yaşayan xalqımız XX-əsrin 90-cı illərində yenidən öz müstəqilliyini bərpa etdi. Müstəqilliyə aparan yol 1988-ci ilin payızında baş verdi. Yüz minlərlə insanın küçələrə çıxaraq ilk dəfə haqlarını tələb etməsi bir başlanğıc oldu. 1991-ci il avqust hadisələrindən sonra Azərbaycanda siyasi vəziyyət daha da gərginləşdi. 20 Yanvar hadisələri ilə xalqın qəzəbini qazanan rəhbərlik SSRİ-də dövlət çevrilişinə cəhd edən qüvvələri müdafiə etdi. Azərbaycan xalqı Respublikanın rəhbərliyinə, demokratik təşkilatlar isə siyasi mühafizəkarlara qarşı mübarizəyə qalxdılar. Xalqın təkidi ilə çağırılmış Azərbaycan Respublikası Ali Sovetinin növbədənkənar sessiyası 1991-ci il avqustun 30-da "Azərbaycan Respublikası Dövlət Müstəqilliyini bərpa etmək haqqında Bəyannamə" qəbul etdi. Belə bir şəraitdə xalqın tələbi ilə Ali Sovetin 1991-ci il oktyabrın 18-də toplanmış sessiyası "Azərbaycan Respublikası dövlət müstəqilliyi haqqında Konstitusiya Aktı"nı qəbul etdi. Bununla Azərbayanın dövlət müstəqilliyi yenidən bərpa olundu.

Dekabrın 29-da referendum keçirildi. Refrendumda bir məsələ qoyulmuşdu: "Siz Azərbaycan Respublikası dövlət müstəqilliyi haqqında Azərbaycan Respublikası Ali Sovetinin qəbul etdiyi Konstitusiya aktına tərəfdarsınızmı."
Azərbaycan xalqı yekdilliklə dövlət müstəqilliyinə tərəfdar çıxdı. 1992-ci ildə Milli Məclis Azərb.Resp.Dövlət Himnini, 1993-cü ilin əvvəlində Dövlət gerbini təsdiq etdi.
1993-cü ilin əvvəllərində Azərbaycanın Dövlət müstəqilliyini 116 dövlət tanımış, 70 xarici dövlət ilə diplomatik əlaqələr qurulmuşdu. Azərbaycan 14 beynəlxalq təşkilata üzv qəbul edilmişdi. Respublikamız müstəqillik əldə etdikdən sonra bir sıra uğurları ilə yanaşı, bədnam qonşularımız tərəfindən torpaqlarımızın 20%-i işğal edildi, Dağlıq Qarabağ və ətraf rayonlar Ermənistanın işğalçı qüvvələri tərəfindən zorla alındı və 1 mln.-dan çox həmvətənimiz məcburi köçkünlük aqibətini yaşadılar.
Müstəqilliyimizi qazandığımız ilk illərdə torpaqlarımızın işğalı ilə yanaşı, respublikamızda vətəndaş müharibəsi baş verdi. Müstəqilliyimizi gözü götürməyənlər ixtişaşlar törədir, respublikamızı regionlara bölürdülər. 1993-cü il iyunun 15-də Azərbaycan ziyalılarının və xalqın təkidli dəvəti ilə Ulu öndərimiz Heydər Əliyev yenidən siyasi hakimiyyətə qayıtdı və o gündən Azərbaycanın təhlükədə olan müstəqilliyi yenidən bərpa olundu və günü-gündən müstəqilliyimiz möhkəmləndi. Respublikamız günü-gündən sürətlə inkişaf edərək regionun ən qüdrətli bir dövlətinə çevrildi. Artıq günü-gündən iqtisadiyyatımız inkişaf edir, dövlətimizin qüdrəti getgedə yüksəlir.

Taleh Qaraşov
Lənkəran rayon İcra Hakimiyyətinin başçısı