Nazirin yəqin ki, bu məktəbdən xəbəri yoxdur...

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

Nazirin yəqin ki, bu məktəbdən xəbəri yoxdur... - FOTOLAR

Gundem

Oxunub: 1 156

24 sen 2016 | 10:42

Nazirin yəqin ki, bu məktəbdən xəbəri yoxdur... - FOTOLAR

Şəkinin Qumux kəndinin sakinləri kənd məktəbinin foto-görüntülərini yollayıblar. Onlar təkcə fotolar yox, həm də təhsil nazirinə sual ünvanlayıblar: “Siz övladınızı belə məktəbə göndərərsizmi?”

“Bizim məktəbdən vahiməli filmlər çəkməyə əla istifadə etmək olar. Sinif otaqlarının döşəməsi, tavanı, qaralmış divarları sanki adamın üstünə gəlir”. Qumux sakini Əziz Səlimov kənd məktəbini belə təsvir edir. Avtomobili var, üç övladını rayon mərkəzindəki məktəblərdən birinə aparıb gətirir. Ancaq kənddə heç də hamının belə imkanı yoxdur.

Qumux tam orta məktəbinin nə az, nə çox – düz 86 yaşı var. Vaxtilə kənd sakinləri özləri tikiblər. Sonralarsa otaqlarını artırıblar. 1999-cu ildə Qumuxa kənd statusu verilib və məktəb natamam orta statusundan tam orta məktəb statusuna keçib. Ancaq buna qədər – hələ 1980-ci illərdə kənddə təzə məktəb tikilməsi nəzərdə tutulub. Hətta özül də atılıb. Ancaq Sovet hakimiyyəti dağıldığından bu iş yarımçıq qalıb. Məktəbin dərs hissə müdiri Elşən Babayev deyir, özül hələ də kəndin bir hissəsində qalmaqdadır. E. Babayev məktəbdəki vəziyyətdən danışır:

“3 ay əvvəl bir hissəsi uçquna məruz qaldı. Yaxşı ki, şagirdlərin başına uçmadı... Haralara müraciət olunmayıb ki – İcra hakimiyyətinə, Təhsil Nazirliyinə, Heydər Əliyev Fonduna, Fövqəladə Hallar Nazirliyinə... Məktəbin fotolarını Təhsil Nazirliyinə də göndərmişik. Gəldilər, baxdılar, dedilər, “tədbir görüləcək”. Biz də ümidlənmişik, gözləyirik”.

Əvvəl məktəb birnövbəli, şagirdlərin sayı 250 nəfər olub, sonra tələbat yaranıb, ikinövbəli rejimə keçilib, ancaq şəraitsizlikdən çoxu uşağını bu məktəbdən başqa məktəbə aparmağa başlayıb. Hazırda məktəbdə 102 şagird, 25 müəllim var.

Elşən müəllim deyir, kənddə alternativ məktəb yoxdur deyə, başqa yerə getmək imkanı olmayan ailələrin uşaqları bura gəlməyə məcburdular:

“Neyləsinlər?.. Çadırda dərs keçə bilmərik ki uşaqlara... Uçmuş tərəfini birtəhər düzəltsək də, o otaqları bağlamışıq. Çətinliklərə baxmayaraq, məktəb bircə gün də bağlı qalmayıb. Bütün dərs saatları tam şəkildə keçilir”.

Hazırda məktəbdə 7 otaq fəaliyyət göstərir. Onların da 4-ü tam yararsızdır.

Onsuz da sinif otağı çatışmayan məktəbin bir otağını isə seçki məntəqəsi məşğul edib. Məktəb rəhbərliyi həmin otaqda dərs keçilməsindən ötrü müraciət etsə də, otaq boşaldılmır.

Ancaq xarabalığı xatırladan bu məktəbin hər il, azı, üç-dörd məzunu ali məktəblərə daxil olur.

Nazirin yəqin ki, bu məktəbdən xəbəri yoxdur... - FOTOLAR