Şəki postunda yol polisi əməkdaşının addımı rəğbətlə qarşılanır

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

Şəki postunda yol polisi əməkdaşının addımı rəğbətlə qarşılanır

Gundem / Bolge

Oxunub: 1 449

11 okt 2016 | 11:57

Şəki postunda yol polisi əməkdaşının addımı rəğbətlə qarşılanır

Bir neçə gün bundan əvvəl Azerinfo.az xəbər portalının elektron poçtuna II qrup əlil Məhərrəmov Məhərrəm İsmayıl oğlu tərəfindən xoşməramlı məktub daxil olmuşdu. Məktubun məzmunu ilə tanış olduqda bəlli oldu ki, bu şəxs BDYPİ-nin Şəki postunun əməkdaşı İbrahimov Lətif Cavidan oğluna təşəkkür etməyi, sanki özü üçün borc bilib. Belə ki, o, yazmış olduğu məktubda qeyd edir ki, “mən 16 sentyabrdan 17-nə keçən gecə Qax rayonuna gedirdim. Bu məqsədlə Xaldanın “kruq”u adlanan ərazidə yol kənarında dayanıb, gəlib-keçən minik avtomobillərini gözlədim. Hava şəraiti olduqca yağmurlu olduğundan, avtomobillərdən heç biri dayanmırdı. Amma çox keçmədi ki, bir avtomobilin sürücüsü yanımda saxlayıb “ağsaqqal hara gedirsən?” deyə sual etdi. Mən Qaxa gedirəm dedikdə o, “ağsaqqal səni Şəki postuna qədər apara bilərəm” deyə cavab verdi. Beləliklə, mən onunla adı çəkilən posta qədər getdim və o, məni bir polis əməkdaşına təhvil verib “ağsaqqala yardım et” deyə xahişini də bildirdi. Çox keçmədi ki, həmin polis əməkdaşı mənə stul verdi, çay təklif etdi və Qax tərəfə gedən avtobusu saxlayaraq “ağsaqqalı mənzilinə apar” dedi. Hətta o, mənim əl çantamı da götürdü və avtobusa mindirənə qədər yanımda oldu.

Mən polis əməkdaşının belə bir addımını bir ağsaqqal olaraq ehtiramla qarşıladım və ən azından ona təşəkkür etməyi özüm üçün borc da bildim. Az sonra zəng edib adını, soyadını öyrəndim və onu da dəqiqləşdirdim ki, İbrahimov Lətif Cavidan oğlu Şəkinin Dəhnə kəndindəndir.

Bəli, belə bir addım ilk növbədə Lətif İbrahimovun yüksək insani keyfiyyətini, xarakterik xüsusiyyətini, rəhbərliyin ona vermiş olduğu tapşırıqların mahiyyətini müəyyən etməyə tam əsas verir. Belə bir səbəblər üzündən də, BDYPİ-nin rəisi, polis general-mayoru cənab Ramiz Zeynalova da dərin təşəkkürümü bildirirəm ki, məhz onun rəhbərlik etdiyi qurumda bu cür əqidə sahibi olan polis əməkdaşlarımız var. Odur ki, mən cənab generaldan xahiş edirəm ki, İbrahimov Lətif Cavidan oğlunun fəaliyyəti müəyyən mənada qiymətləndirsin. O halda mən də bir ağsaqqal olaraq özümdə rahatlıq taparam”.

Teymur