Qazax Telekommunikasiya Qovşağının rəisi Nizaməddin Məmmədov qanunları qulaqardına vurur

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

Əliyev İrəvanın “ümid yerinə” yön verir - İki ardıcıl zəng

Prezident İlham Əliyev Türkiyə Böyük Millət Məclisinin millət vəkili Mövlud Çavuşoğlunu qəbul edib YENİLƏNƏCƏK

Qazax Telekommunikasiya Qovşağının rəisi Nizaməddin Məmmədov qanunları qulaqardına vurur

Gundem / Bolge

Oxunub: 1 184

22 noy 2016 | 10:19

Qazax Telekommunikasiya Qovşağının rəisi Nizaməddin Məmmədov qanunları qulaqardına vurur

Nizaməddin Məmmədov üzərinə düşən işi layiqincə yerinə yetirə bilmədiyindən rayonun rabitəsi arzuolunan səviyyədə deyil Rabitə və Yüksək Texnologiyalar Nazirliyinin «Aztelekom» İstehsalat Birliyinin Qazax Telekommunikasiya Qovşağında problemlər azalmaq əvəzinə, cünbəgün artmaqdadır.

Bu barədə saytımızı bilgiləndirən mənbənin sözlərinə görə, bunun səbəbi qovşaq rəisi Nizaməddin Məmmədovun şəxsi mənafeyini hər şeydən üstün tutmasıdır. Məlumatlı şəxs qeyd edir ki, vaxtilə Qazaxın icra başçısı olmuş Əsəd Orucovun dövründə Gəncədən Qazaxa "velosiped”lə gələn Nizaməddin Məmmədov hazırda sayagəlməz varidat sahibidir: «Deyilənlərə görə, bu da onun aidiyyəti insanları aldatmaq, onları min cür yollarla özündən razı salmaq bacarığından irəli gəlir. Bildirilir ki, Nizaməddin Məmmədov telekommunikasiya qovşağına rəis gələrkən, təxminən 12-13 il bundan əvvəl 35 min manata bina evindən mənzil alanda onun məhz şəxsi maraqlarından çıxış etdiyi artıq çoxlarına bəlli oldu. Bir qədər sonra isə o, xidmətində olan dövlət maşınlarını şəxsi işləri üçün ayırdı. Evinə içməli suyu, ailə üzvlərini lazımı yerlərə aparıb-gətirilməsi, şəxsi təsərrüfatına "canlı və cansız” texnikalardan istifadə etməsi Qazax Telekommunikasiya Qovşağının rəisinin üzünə gün doğdurdu. Deyilənlərə görə, strateji əhəmiyyətli binaların özəlləşdirilməsi qadağan olduğu halda, telekommunikasiya qovşağına bitişik ikimərtəbəli binanın özəlləşdirilməsi və onun kirayəsindən gələn gəlirdən səmərəli istifadə edilməsi Nizaməddin Məmmədovun qanunlara məhəl qoymamasından xəbər verir». Qazax Telekommunikasiya Qovşağının rəisinin bir müddət əvvəl adıçəkilən rayonun Çaylı kəndi ərazisindən əkin sahəsi üçün hektarlarla torpaq aldığını iddia edən mənbə Gundelik-Baku.com-a bildirir ki, Nizaməddin Məmmədov həmin ərazini üzüm bağına çevirib:(gundelik-baku)«Deyilənlərə görə, o, sahəni muzdlu fəhlələrin köməyi ilə beçərtdirir. Onu da nəzərinizə çatdırım ki, Nizaməddin Məmmədovla üzüm sahəsində çalışan işçilər arasında heç bir əmək müqaviləsi bağlanmayıb. Hələ bu, harasıdır. Deyilənlərə görə, Qazax Telekommunikasiya Qovşağının rəisi istər yaşadığı evin təmirində, istərsə də şəxsi təsərrüfatında tabeçiliyində olan işçilərin əməyindən istifadə edir. Bundan başqa, o da qeyd olunur ki, Nizaməddin Məmmədov 2012-ci ildə qovşağın inzibati binasının dam örtüyünə ayrılmış 500 min manat vəsaitin böyük bir hissəsinin təyinatdankənar istiqamətlərə sərf olunmasına rəvac verib». Bu arada, rayonun əksər kəndlərində evlərin telefonlaşdırılmasının ürəkaçan səviyyədə olmadığını vurğulayan məlumatlı şəxsin sözlərinə görə, nədənsə bu istiqamətdə heç bir irəliləyişlərə nail olunmayıb: «Deyilənlərə görə, Qazaxda rabitə və informasiya sahəsi inkişafdan geri qalıb.Çünki rayonun rabitə sisteminin inkişafı məqsədilə ayrılan büdcə vəsatləri düzgün şəkildə xərclənmir. Məsələn, elektron ATS-lərin və HDSL tipli transmissiya avadanlığının alınması üçün nəzərdə tutulan büdcə vəsaitlərinin bir hissəsi təyinatdankənar xərclərə sərf olunub. Beləliklə, 18 ildir ki, Nizaməddin Məmmədov Qazax Telekommunikasiya Qovşağının rəisi vəzifəsində çalışır. Lakin o, üzərinə düşən işi layiqincə yerinə yetirə bilmədiyindən Qazax sakinləri, eləcə də müvafiq qurumlar onun fəaliyyətindən narazıdırlar. Ancaq buna baxmayaraq, hələ də Nizaməddin Məmmədovun barəsində ölçü götürülməyib, yol verdiyi nöqsanlara görə cavadehlik daşıması təmin olunmayıb. Görünür, Qazax Telekommunikasiya Qovşağının rəisinin arxasında hansısa səlahiyyətli şəxs dayandığından o, özünü çox rahat hiss edir və yaxın zamanda tutduğu vəzifəsindən uzaqlaşdırılacağını ağlının ucundan belə keçirmir».