Şəhidimizin medalı atasına təqdim olundu

Bayraq günü münasibəti ilə Müdafiə Nazirliyinin bir qrup əməkdaşı şəhid Seyfəddin Kərimovun ailəsinə baş çəkib. Şəhidin yaşadığı mənzilin həyətində Azərbaycanın üçrəngli bayraqları asılıb. Nazirlik nümayəndələri onun valideynlərinə baş sağlığı verərək, şəhid Seyfəddin Kərimovun hərbi xidmətdə fərqlənməyə görə medalını atasına təqdim ediblər. Daha sonra mərhumun Şəhidlər xiyabanındakı qəbri ziyarət olunub, ruhuna dualar oxunub. Xatırladaq ki, 1995-ci il təvəllüdlü Kərimov Seyfəddin Nəvahi oğlu 2013-cü ilin oktyabrında Beyləqan rayonu N saylı hərbi hissəyə xidmətə yola salınıb, 2014-cü ilin aprelin 7-də isə şəhid olub.

Allah rəhmət etsin!!!

http://kepeztv.az