ŞƏKİ YOXSULLARININ DÖVLƏTDƏN SOSİAL MÜDAFİƏ İSTƏKLƏRİ TƏHQİRLƏ QARŞILANIR

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

ŞƏKİ YOXSULLARININ DÖVLƏTDƏN SOSİAL MÜDAFİƏ İSTƏKLƏRİ TƏHQİRLƏ QARŞILANIR

Gundem / Bolge

Oxunub: 1 286

28 apr 2017 | 12:58

ŞƏKİ YOXSULLARININ DÖVLƏTDƏN SOSİAL MÜDAFİƏ İSTƏKLƏRİ TƏHQİRLƏ QARŞILANIR

Şəki rayonunun Oxud kənd sakini Əhmədov Kənan Nemət oğlu redaksiyamıza müraciət edərək, Şəki rayon Əhalinin Sosial Müdafiəsi Mərkəzinin rəisi Elçin Səfərovdan şikayətlənib. Əhmədov bildirir ki, ciyəri xəstədir, şəkəri var. Ailəsi 14 nəfərdən ibarətdir, dolanışıqlarını təmin edə bilmirlər. Anasının 136 manat pensiyası banka olan borclarının ödənilməsinə çıxılır, özünün 55 manat pensiyası isə heç dərmanlarına belə çatmır. Ünvanlı sosial yardım təyin olunması üçün ƏSMM rəisinə müraciət edib. Əsassız olaraq ona yardım təyin olunmasından imtina ediblər. Bundan sonra Kənan yuxarı instansiyalara şikayət edib. Bu isə Mərkəzin rəisi Elçin Səfərovun xoşuna gəlməyib. Əhmədov qəbuluna gələndə onu təhqir edərək, hədələyib. Polis çağırtdırıb, Mərkəzin bir neçə işçisini öyrədərək onun üzünə durmağa səfərbər edib ki, guya Kənan özü insident yaradıb. Əhmədovun sözlərinə görə, məsələnin nə yerdə olduğunu araşdıran Şəki rayon Polis Şöbəsinin rəisi Əbülfət Rzayev məmura "ayıbdır, bu xəstə adamdır" deyərək, vətəndaşla barışmağı, probleminin çözülməsi üçün köməklik göstərməsini tövsiyə edib. Çifayda, Mərkəz rəisi öz insafsız mövqeyində qalıb.

Əlacsız qalan Əhmədov dövlət məmurunun onun ünvanına yağdırdığı təhqiramiz ifadələri (hansı ki, həmin ifadələri biz təkrarlamaq istəmədik. - red.) və daha yaşamaq üçün zəruri imkana malik olmaması səbəbindən intihar etmək qərarına gəldiyini internetdə yaydığı Prezidentə video-mürciətində dilə gətirib.

Əhmədov bildirir ki, Elçin Səfərovun yarıtmaz fəaliyyətindən tək o özü deyil, az qala Şəkinin bütün yoxsul camaatı narazıdır. Məsələn, bir müddət əvvəl Baş Göynük kənd sakini, I qrup əlil Rafiq Vəliyev də ondan şikayət etmiş, KİV tribunasından istifadə edərək, ictimai qınağa boğmağa çalışmışdı.

O da qeyd olunur ki, Səfərov hələ Mingəçevirdə eyni vəzifədə işlədiyi dönəmdə onun haqqında ictimai rəy müsbət olmayıb. Onun Mingəçevirdə çayın üzərində VİP restoranı və başqa bahalı daşnmaz əmlakı, gəlirli obyektlərinin olduğu deyilir ki, bu da yalnız maaşa qulluq etmədiyinin əyani sübutudur.

Bu və digər məsələlərlə bağlı Mərkəz rəisinə zəng açıb telefonla münasibətini öyrənməyə çalışdıq. İki-üç kəlmə ilə "o adam şantajistdir" deyərək, bizimlə söhbəti davam etdirməkdən yayındı. Bununla belə məqaləmizdə bəhs etdiyimiz məsələlərlə bağlı qarşı tərəf kimi mövqeyini bildirmək istəsə, dinləməyə hazırıq.