AYAZ ƏSGƏROVUN RÜŞVƏT QALMAQALI

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

AYAZ ƏSGƏROVUN RÜŞVƏT QALMAQALI

Gundem / Bolge

Oxunub: 3 125

27 okt 2017 | 12:19

Ölkədə vəzifə sahiblərinin onlara həvalə edilmiş səlahiyyətlər çərçivəsində hərəkət etmələri, qanunun aliliyini qorumaları, hər hansı qanunsuzluqlara imza atmamaları və s. vəzifə sahiblərinin qarşısında duran əsas şərtlərdən biridir. Bu kimi şərtlərə əməl etmək isə, daha çox yüksək səlahiyyət sahiblərinə aid olan məsələlərdir. Xoşagəlməz hal o olur ki, əksər hallarda yüksək çinli vəzifə sahiblərinin özləri vəzifə səlahiyyətlərindən yararlanırlar, minbir oyun qaydaları qururlar, kimlərisə “oyun”a salmağı da bacarırlar. Bu günlərdə informasiya mərkəzimizə belə bir məlumat daxil oldu ki, Qazax RİH-nin sabiq icra başçısı cənab Ayaz Əsgərov da, belə bir əməl sahiblərindən biridir. Yəni, adı çəkilən şəxs Qazaxda icra başçısı vəzifəsini daşıyan zaman rayon sakinlərindən birinə (zərif cinsin nümayəndəsidir) məktəb direktoru təyin etdirəcəyi vədini verir və iş otağında həmin şəxsdən əlbəəl külli miqdarda “haqq-hesab” da alır. Tərəflər arasında ümumi razılığın əldə olunmasına baxmayaraq, çox keçmir ki, Ayaz Əsgərov ölkə rəhbəri cənab İlham Əliyevin müvafiq sərəncamı ilə Yardımlı RİH-nə başçı təyin olunur. Belə bir təyinatın verilməsi isə, hər iki tərəf arasında əldə olunan razılaşmanın baş tutmaması ilə nəticələnir.

Xoşagəlməz hal o olur ki, Yardımlı RİH-nə başçı təyin olunan Ayaz Əsgərov Qazax rayon sakininə verdiyi vədini yerinə yetirmək, ən azından aldığı “haqq-hesab”ı onun özünə qaytarmaq əvəzinə, həmin şəxsdən “qaçmaq” yolunu tutur. Belə bir səbəb üzündəndir ki, Qazax rayon sakini bu gün də Ayaz müəllimlə olan problemini heç cür “çözə bilmir”. Diqqəti o məqama da yönəltmək lazımdır ki, hər iki tərəf araslnda vasitəçiliyi Qazağa yaxın rayonlardan birində bu gün də baş həkim vəzifəsini daşıyan şəxs edir. Bu şəxsin də problemin varlığına özünə məxsus tərzdə yanaşması, bəzi çalarlara aydınlıq gətirməyə imkan verir. Yəni, vaxtilə tərəflər arasında vasitəçilik edən, bu gün isə baş həkim vəzifəsini daşıyan şəxs də, “quyruğunu” heç cür Qazax rayon sakininin “əlinə vermir”. Bu da o deməkdir ki, sabiq icra başçısı ilə bu gün baş həkim vəzifəsini daşıyan şəxs eyni oyunun oyunçularıdırlar. Əgər bu belə deyilsə, o zaman baş həkim vəzifəsini daşıyan həmin şəxs də ən azından Qazax rayon sakinini qəbul edər və vaxtilə yerinə yetirdiyi missiyasını bu gün də yerinə yetirərdi. Yəni, sabiq icra başçısına verilmiş “haqq-hesab”ın qaytarılmasında vasitəçilik edər.

Onu da qeyd edək ki, sabiq icra başçısı ilə bağlı daxil olan informasiyanı dəqiqləşdirmək, qarşı tərəf olaraq Ayaz müəllimin məsələlərə münasibətini öyrənmək üçün, dünən günün müxtəlif saatlarında etdiyimiz telefon zənglərimizin heç bir nəticəsi olmadı. Belə olan halda Yardımlı RİH Aparatında çalışan digər vəzifə sahibləri ilə əlaqə saxladıqda “gedin nə bilirsiniz onu da yazın” deməklə, fikirlərini belə çatdırdılar.

Ayaz Əsgərovun Qazaxda icra başçısı olduğu dönəmdə atdığı bir çox addımlar da, bu gün heç cür unudulmur. Çünki, bəzi sakinlərin iddialarına görə o, rayon ərazisində fəaliyyət göstərən gözəllik salonlarında çalışan zərif cinsin nümayəndələrinə qarşı, hər zaman “həssaslıq” nümayiş etdirib. Hörmətli oxucular! Hələlik zərərçəkən şəxslə bərabər, baş həkim vəzifəsini daşıyan şəxsin adının hallanmasını çəkmək istəmədiyimizdən, hələlik həmin şəxslərin adlarını məxfi saxlayırıq. Mövzunu diqqətdə saxlayacağıq.deryaz.az