Tovuz.Əlibəyli.Ölüm risqi altıda həyat

Prezident onları təltif etdi - FOTO

Ermənistanda hərbi qiyam və çevriliş ssenarisi önə çıxır: Qarabağ klanı ordunu İrəvanın "işğal"ına çağırır

Əliyev - Putin görüşməsinə dair yeni və heyrətamiz görüntülər - Rusiya mediası İNDİ YAYDI - VİDEO

Entoni Blinken Prezident İlham Əliyevə zəng edib

Bakı “soyuq müharibə”dən çəkinmir: Azərbaycanı hədəf alan dövlətlərə sərt xəbərdarlıq edilib

Prezident İlham Əliyevin Almaniyaya işgüzar səfəri başa çatıb - FOTO

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Tovuz.Əlibəyli.Ölüm risqi altıda həyat

Gundem

Oxunub: 1 785

23 in 2014 | 22:22

Tovuzun Ermənistanla sərhəddə yerləşən Əlibəyli kəndinə bizi yenə dinc sakinlərin yaralanması xəbəri apardı.
Tovuz.Əlibəyli.Ölüm risqi altıda həyat

İyunun 19-da atəşkəsin pozulması ilə 3 kənd sakini yaralanıb. Tovuz rayon Xəstəxanasına yerləşdirilən 72 yaşlı sakin Qaraqız Nağıyevanın güllə 2 ayaq barmağını dəlib sındırıb. Üstəlik, ayağına xeyli sayda qəlpələr dolub. Evindən şəhər mərkəzinə doğru getmək istəyərkən 72 yaşlı nənənin yanında 5 yaşlı nəvəsi Nurcan Nağıyeva da olub. Balaca qız ayağından qəlpə yarası alıb. Qaraqız Nağıyeva hadisəni danışır:
�Səhər nəvələrimi də götürüb Tovuza, bəzi əşyalar almağa gedirdim. Həyətimizdən bir az uzaqlaşmışdım ki, ayağıma güllə dəydi. Qışqırdım, nəvələrim də qorxudan ağladı. Birtəhər qonşunun qapısından girdim içəri. Oğlum maşınla xəstəxanaya apardı, sarıdılar. Məlum oldu ki, güllə barmaqlarımı sındırıb. İndi də gipsə qoyublar. Özümdən çox, nəvəmin birinin ayağına qəlpə girib, ona görə qorxdum�.
Həmin gün davamlı atılan güllələrdən biri də həmin kəndin başqa bir sakini İnayət Əliyevanı yaralayıb. Evinin dam örtüyünə dəyən güllənin qəlpələri onun bədəninin 3 yerinə dolub:
�Mən həyətdə iş görürdüm. Evimizin dam örtüyünə nəsə möhkəm dəydi, səs evlə bir oldu. Ordan da qəlpələr qoluma qarnıma və sağ buduma doldu�.
İnayət Əliyeva da Tovuz rayon Mərkəzi Xəstəxanasına yerləşdirilib. Hazırda yarası sarınıb, amma qəlpələr yaxın günlərdə cərrahiyyə əməliyyatı ilə çıxarılacaq. Xəstəxananın Travmatologiya şöbəsinin həkimi Kamal Abbasov yaralıların vəziyyətinin kafi olduğunu deyir.

İyunun 19-da Ermənistan ordusu Tovuzun Ermənistanla həmsərhəd Əlibəyli, Hacallı və Koxa Nəbi kəndlərini atəşə tutub. Kəndin sakinləri son günlər atışmanın intensivləşdiyini danışırlar. Sakin Vüqar Məhərrrəmov danışır ki, ötən gecə də atışma 5 saat davam edib.

�Son günlərdə daha tez-tez atırlar. Əvvəllər posta atırdılar, indi əsasən dinc sakinləri hədəfə alırlar. Biz körpələrdən narahatıq. Uşaqdırlar qorxurlar�.

Qeyd edək ki, son hadisələrdən başqa, erməni təxribatları nəticəsində 2014 cü il ərzində Tovuzun Əlibəyli kəndində daha 2 nəfər kəndli yaralanmışdı. Müdafiə Nazirliyinin məlumatına görə, təkcə iyunun 19-da atəşkəs rejimi bir neçə istiqamətdə 41 dəfə pozulub.

http://www.ganca.az