Sumqayıtda 23 saylı məktəbdə pul yığımı-direktor təqvimdəki bayramları sayır

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Sumqayıtda 23 saylı məktəbdə pul yığımı-direktor təqvimdəki bayramları sayır

Gundem / Sosial

Oxunub: 1 260

16 yan 2018 | 11:37

Məktəblərdə pul yığımlarının davam etməsini ekspertlər əsasən müəllimlərin iqtisadi durumunun aşağı olması ilə əlaqələndirir və əlavə edirlər ki, "valideyn və ictimaiyyət dirəniş göstərməyənə qədər bu proses davam edəcək".

Azerrinfo.az-a müraciət edən Sumqayıt sakinləri bildirir ki, hər bayram qabağı “qara günlər” başlayır. 23 saylı məktəbdən isə şikayət daha çoxdur. Burada yeni il şənliklərindən qabaq yuxarı siniflərdən 20, aşağı siniflərdən 10 manat pul yığılıb.

Həm də tək bayramlarda deyil, təmir və sair bəhanələrlə də mütamadi olaraq valideynlər soyulur.

Valideynlərdən biri deyir ki, məktəb direktorunun əsas vəzifəsi; məktəb daxilindəki problemləri həll etmək, Təhsil Nazirliyinin verdiyi qərarları məktəbdə tanıtmaq və bunları icra etmək, məktəb büdcəsini uyğun formada şagirdlərin daha keyfiyyətli təhsil ala bilməsi üçün məktəbdə çatışmayan kitab, texnoloji avadanlıq kimi təhsil vasitələrinin alınmasına xərcləmək, dərs ili başlamazdan əvvəl müəllim kolleqaları ilə birlikdə toplantı keçirib uyğun illik dərs planı hazırlamaq və bunun kimi daha bir çox şeydir. Lakin çox təəssüflə qeyd etməliyəm ki, direktor Fikrət müəllim illik plan hazırlamaq yerinə təqvimdən bayramları sayıb bu il nə qədər pul çıxaracağını, bunu haralara xərcləyəcəyini hesablayır. Şagirdləri və müəllimləri qanuna uyğun olmayan tərzdə təhqir edir və şəxsiyyətlərini alçaldır ki, əslində bunlar onun səlahiyyətləri daxilində deyil. Bəlkə də o səlahiyyətlərindən və öhdəliklərindən bixəbərdir.

Azad Müəllimlər Birliyinin sədri Məlahət Mürşüdova bu halları "sovet dönəmindən qalmış mənfi stereotip" adlandırır və prosesdə "valideynləri günahlandırır".

Onun fikrinə görə, görülən sərt tədbirlərə baxmayaraq pul yığımlarının davam etməsi "valideynlər arasında həmrəyliyin olmaması nəticəsində" baş verir.

"Türkiyədə olsa bütün valideynlər ayağa qalxar o müəllimə qarşı, amma bizdə nə baş verir? Əksinə, o valideyni qınayırlar və deyirlər ki, bir yerdən tapıb gətirərdin də ya da bir kilo ətin puludur, onu yemə nə olar. Axı sən bir kilo ətin pulundan da çox istəyirsən", birlik sədri əlavə edir.

Məlahət Mürşüdova qeyd edir ki, bu cür hallarla bağlı birliyə müraciət edənlər var, "amma kütləvi halda deyil".

P.S. Redaksiya olaraq işi araşdırmaq üçün 23 saylı məktəbin drektoru ilə əlaqə saxladıq. Drektor bildirdi ki, mənim bu işdən xəbərim yoxdur,
müəllimlər özləri uşaqlardan pul yığıb.

Araşdırmamız davam edir.

Qarşı tərəfin də mövqeyini dərc etməyə hazırıq