29-01-2015, 16:28 Oxunub: 1 268

Sakinləri ələ salan icra başçısı qərarını dəyişdi

Sakinləri ələ salan icra başçısı qərarını dəyişdi

Bakının Xətai rayonunda Sergey Senyuşkin küçəsində yerləşən 7A saylı bina sökülməyəcək. Bu barədə məlumatı binanın sakinlərinə Xətai Rayon İcra Hakimiyyətindən (RİH) veriblər.

Azerinfo.az İstiqlal.az-a istinadən xəbər verir ki , dünən qeyd etdiyimiz ünvanda olan binanın söküləcəyi haqda xəbər vermişdik. Belə bir xəbərdarlığı sakinlərə Xətai rayon icra başçısı Razim Məmmədov etmişdi. R.Məmmədov sakinlərə evlərinin söküləcəyi və qaşılığında kompensasiya olaraq bir kvadratmetrə görə 1200 manat veriləcəyini vəd etmişdi. İcra başçısı evlərinin sökülməsini istəməyən sakinlərə bir neçə dəfə xəbərdarlığa gələcəklərini də demişdi. Özü də çox unikal şəkildə: “Elçiliyə 6 dəfə gedərlər. Biz də gəlib 6 dəfə xəbərdarlıq edərik”.

Buna etiraz olaraq bina sakinləri dünən 20:00-da binanın qarşısına toplaşacaqlarını və icra hakimiyyətindən də nümayəndənin gəlməsini tələb etmişdilər. Sakinlərin şikayəti mətbuata çıxarıldıqdan sonra icra hakimiyyətindən nümayəndələr gələrək sakinlərə evlərinin sökülməyəcəyini deyib.

Bina sakinlərindən Natəvan İmanova virtualaz.org saytına bildirdi ki, icra hakimiyyətindən gələn nümayəndələr binanın mart ayına qədər yenidən üzlənəcəyini və sökülməyəcəyini deyib. Onlar da yenidən toplaşmaq fikrindən daşınıblar.
Şabranın icra başçısından iddialı açıqlama Şabranın icra başçısından iddialı açıqlama Bolge Xətaidə əlavə tikililər sökülür Xətaidə əlavə tikililər sökülür Gundem Camaat palçığa batır Camaat palçığa batır Sosial İcra başçısı Bakıda reklam lövhələrinin sökülməsi səbəbini açıqladı – RƏSMİ İcra başçısı Bakıda reklam lövhələrinin sökülməsi səbəbini açıqladı – RƏSMİ Sosial Masallıda 4 dəfə həbsdə olmuş şəxsi bələdiyyə sədri qoymaq istəyirlər Masallıda 4 dəfə həbsdə olmuş şəxsi bələdiyyə sədri qoymaq istəyirlər Bolge