Saxta stajlı müavin, xaricdə olub virtual “5” alan şagird, tortlu ad günü - 248 saylı məktəbdə ƏCAİB OLAYLAR

Prezident niyə Berlinə Füzulidən uçdu? - 3 MESAJ

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

Saxta stajlı müavin, xaricdə olub virtual “5” alan şagird, tortlu ad günü - 248 saylı məktəbdə ƏCAİB OLAYLAR

Gundem / Sosial

Oxunub: 5 973

30 may 2018 | 00:02

Bir çox sahələrdə olduğu kimi təhsil sahəsində də, rüşvət və korrupsiya halları danılmazdır.Əslində, bütün sahələrdə bu cür problemin olması müsbət hal deyil. Lakin təhsil sahəsində bunun yolverilməz olduğunu düşünürəm. Çünki, hər bir dövlətin güclü inkişafı və tərəqqisi ilk öncə təhsildən keçir. Milli mətbuatımızın banisi H.B.Zərdabinin də dediyi kimi ”Maarifdən, elmdən məhrum bir xalq işıqdan məhrumdur”.

Şikayət

Bəs bu cür önəmli sahədə rüşvət və korrupsiya kimi neqativ halların olmasının səbəbi nədir? Bir çoxları bunu təhsil işçilərinin nəvaciblərinin çox aşağı olması ilə əlaqələndirir. Düzdür, bu da təsiredici faktordur, ancaq müəllim adını daşıyan heç bir şəxs mənəviyyatını maddiyyata satmamalıdır deyə, düşünürük. Müəllimlik ən müqəddəs və şərəfli peşələrdən biridir və bu adı daşıyan şəxs bunun məsuliyyətini də dərk etməlidir.Əfsuslar olsun ki, bu gün bu ada hörmət və ehtiram get-gedə azalır. Bunun da səbəbi var.

Gəlin bir məktəb nümunəsində təhsil sahəsində baş verən hərc-mərcliyin hansı səviyyədə olmasına nəzər salaq.

Söhbət Bakıdakı 248 saylı məktəbdən gedir. Sovet vaxtı Binəqədidə daim nümunə göstərilən bu təhsil ocağı haqda Azerinfo.az-a ilginc məlumatlar daxil olub.

Əli böyüklərin ətəyində olan direktor əvəzi

Daxil olan məlumatlara görə bu məktəbdə direktor hələlik yoxdur. Direktor əvəzi Xəyyam Fərəcovdur. Fərəcov isə ümid edir ki, bu ilin sentyabrında direktor kürsüsündə oturmağı rəsmiləşəcək. Fəaliyyətindəki qüsurlara, qanunsuzluqlara rəğmən inanır ki, Bakı Baş Təhsil İdarəsindəki hamiləri İlahə Talıbova, Sərxan Rzayev və Ramon Məmmədov onun namizədliyinin keçməsində yardımçı olacaqlar. Ancaq yeni nazir Fərəcovun fəaliyyətindən o qədər də xəbərdar deyil.

Odur ki, cənab nazir Ceyhun Bayramovun diqqətinə bir neçə faktı çatdıracağıq.

Əvvala Xəyyam Fərəcov və director müavini Reyhanə Qurbanovanın işbirliyi baradə.

Saxta stajlı müavin

Qanuni müsabiqədən keçən , müqaviləyə qol çəkən, savadlı pedaqoq, direktor müavini Sevinc Həsənova qıraqda qala-qala, şiddətli töhmət alan Reyhanə Qurbanovaya 0,5 ştat vahidi verilməsi hamıda şok effekti və narazılıq yaratdı. Əslində aydın idi ki. Reyhanə Qurbanova faktiki olaraq Fərəcovun pul yığanı kimi tanınır . Reyhanə xanım kollektivə acıq verərək söyləyirmiş ki, bəs onu Xəyyam müəllim Ramon Məmmədova “tapşırıb”. Məhz bu “tapşırıq”la qanun pozuntsu baş verib.

İnsanlar isə tələb edir ki, Reyhanə Qurbanovanın saxta əmək kitabçası yoxlanılsın.Özünə saxta əmək kitabçası yazdıran Qurbanova bu yerlərdə heç vaxt işləməyib:

1. 24.08.1998-ci ildən 03.09.2002-ci ilə qədər Azərbaycan Universitetində Beynəlxalq Münasibətlər –ölkəşünaslıq kafedrasında asistent.

2. 20.04.2004 tarixdən 06.10.2009-cu ilədək Elm İstehsalat Mərkəzində tədris üzrə mütəxəssis.

Əgər belədirsə ortaya sual çıxır- niyə hamıya 2006-cı ilin , yanvarın 1-də sosial sığorta şəhadətnaməsi verilib. Reyhanə müəllimə isə 2010-cu ildə həmin şəhadətnaməni alıb.

Deməli staj saxtadır. Daha bir fakt. Reyhanə Qurbanova 2003-cü ildə 283 saylı məktəbdə direktor işləyib. Cəmi 10 ay sonra kollektiv tərəfindən qovulub.

Bütün bu saxtakarlıqları isə daxili nəzarətin baş məsləhətçisi Sərxan Rzayev ört-basdır edib. Əlbətdəki Xəyyam Fərəcovun xahişi ilə.

Hər şagirddən 10 manat

Verilən məlumata görə məktəbdə əmr kitabı, əvəz jurnalı və sinif jurnalları bərbad vəziyyətdədir.

Müəllimlərə yazılan əvəz dərsləırinin əmək haqlarını Xəyyam Fərəcov və Reyhanə Qurbanova mənimsəyir.

Jurnalları müəllimlər yazmır. Hansı jurnalı vərəqləsələr Reyhanə xanımın “sağ əli” olan psixoloq Aynurə İbrahimovanın dəst-xətti görünəcək. Onun jurnallarda qeydiyyat aparması qanunsuzdur.

Ancaq qanunsuzluq məktəb rəhbərliyindəki bu vəzifəli şəxsləri narahat etmir.

Məktəbdə 10 və 11-ci sinif uşaqlarını görmək çətin şeydir. Hamısı tədris ilinin əvvəlindən evə buraxılıb.Odur ki, dərsə davamiyyətdən söhbət gedə bilməz.Həmin qruplarda cəmi 10-15 şağird dərsə gəlir. Qiyabi qruplara nəzarət edən direktor müavini Xanım Quliyeva dərsə gəlməyən uşaqlardan həftəyə 10 manat pul alır. Yəni hər birindən. Şagirdlərdən biri xaricdə işləyir. Elnur adlı bu uşaq özü burada olmasa da Xanım Quliyeva onun qiymətlərini mütamadi yazdırır. Özü də əla qiymətlər. O da Xəyyam müəllimə arxayındır.

Blir ki, 2017-2018-ci tədris ilində Bakı Baş Təhsil İdarəsində bir nəfər də olsun gəlib davamiyyəti yoxlamayıb. Fərəcov kollektibvə deyir ki, bunun üçün kimləri lazımdırsa hamısını “görüb.”

Xanım Quliyevanın fəaliyyəti Fərəcova yaxşı qazanc gətirir deyə onun ad gününü xususi keçirib, bioloğiya otağında yekə bir tort kəsdirib, şadyanalıq da ediblər.

Ancaq Təıhsil Nazirliyində olan dəyişikliklər inanırıq ki, 248 saylə məktəbdən yan keçməyəcək. Bu faktlarla nəinki Təhsil Nazirliyti, eləcə də prokurorluq orqanları mütləq maraqlanacaqlar.

Məktəbdəki qanunsuzluqlar haqda əlimizdə kifayət qədər materiallar var və materialları aidiyyatı qurumlara ünvanlayacağıq.