3-12-2018, 10:50 Oxunub: 383

Sabunçu xəstəxanasında “ermənilik”: ana körpəsi ilə girov saxlanır - ölüm korpusu...

Sabunçu xəstəxanasında “ermənilik”: ana körpəsi ilə girov saxlanır - ölüm korpusu...














Bunu bəlkə erməni eləməz, bizimki edir. Söhbət ana və yeni doğulan körpəsinin 10 gündür pul verilmədiyi üçün 3 saylı Sabunçu şəhər xəstəxanasının doğum şöbəsində girov saxlanmasından gedir.

Cahan.info-nun verdiyi məlumata görə, bu barədə Yeganə Əliyeva feysbuk səhifəsindən yazıb. Onun sözlərinə görə, Pərvanə adlı həkim 10 gün doğulmuş körpəni anası ilə birlikdə girov saxlayır.

Ailə 100 manat verib, Pərvanə həkim isə 500 manat tələb edir. Aidiyyatı qurumlar və xüsusən Səhiyyə Nazirliyi dərhal işə qarışmalıdır. Çünki xəstəxana həbsxanaya çevrilib.

Belə qanunsuzluq, soyğunçuluq, vicdansızlıq heç yerdə görünməyib. Ana və körpəsini girov saxlamaq, pul tələb etmək cinayət məsuliyyəti yaradır.

Azərbaycanda dövlət xəstəxanaları pulsuz xidmət göstərməlidir. Nazirin 2008-ci ildə əmri var və məlumdur ki, bu qərar heç yerdə işləmir.

Lakin ana və körpəsini girov saxlamaq və 500 manat tələb etmək artıq əndazəni aşmaqdır. Vətənə övlad yetişdirəcək bir qadını balası ilə xəstəxanada saxlamaq, pul gələnə qədər buraxmamaq rəzalətdir.

O uşaq böyüyüb həyatı qavrayanda bilsə ki, ana vətənində onu girov saxlayıblar, pul olmadığı üçün Pərvanə həkim əsir kimi nəzarətindən buraxmayıb, yəqin ki dünyaya gəldiyinə peşman olar.

Səhiyyə Nazirliyi niyə bu məsələyə müdaxilə etməyib? Hansı əsasla ana və körpə evə buraxılmır? Pərvanə həkim kim güvənir?

Ümumiyyətlə, 3 saylı Sabunçu şəhər xəstəxanası ən çox şikayət edilən, amansızlıq, rüşvətxorluq olan tibb ocağıdır. Üstəlik, xəstələr səhv müalicə edilir, pul verməyəndə palatadan ölüsü çıxır.

Məsələn, iki il əvvəl Sabunçu rayonu 3 saylı Şəhər Klinik Xəstəxanasında doğuşdan sonra ölən Beyləqan rayon Nil qəsəbəsi sakini, 30 yaşlı Elnurə Xanalıyevanın yaxınları dəhşətli açıqlamalar vermişdi.

Onlar iddia edirlər ki, xəstəni yoxlamadan qeysəriyə əməliyyatı ediblər. Mərhumun dayısı Etibar Xanalıyev bildirib ki, E.Xanalıyevanı başqa xəstəxanaya aparmağa imkan verməyiblər.

Mərhumun anası isə xəstəxanada qızının “donuz qripi” olduğunu iddia etdiklərini dilə gətirib: “Mənim uşağımda "donuz qripi" olduğunu dedilər, halbuki analizi tərtəmiz idi. Niyə öldürdülər mənim balamı? Onun 3 uşağını kim saxlayacaq?”

Ötən il oktyabrın 31-də Cavid İmanlı adlı gənc 3 saylı Sabunçu Rayon Xəstəxanasında dünyasını dəyişib. İmanlının valideynləri iddia edirlər ki, övladlarının ölümü müəmmalıdır.

Belə ki, gəncin ölüm işinə iki dəfə Sabunçu Rayon Prokurorluğunda baxılıb və onun kəskin intoksikasiya fonunda poliorqan çatışmazlığı diaqnozu ilə öldüyü qeyd edilərək, cinayət işi bağlanıb.

Lakin Cavidin valideynləri bu qərarla razılaşmayıblar. Müxtəlif dövlət qurumlarına müraciət edərək, övladlarının ölümünə səbəb olmuş şəxslərin həbs edilməsini tələb ediblər.
ABŞ-da naməlum şəxs veteranlar evində 3 nəfəri girov götürüb ABŞ-da naməlum şəxs veteranlar evində 3 nəfəri girov götürüb Hadise Mərkəzi Klinikada tükürpədici qansızlıq: Pula görə ölünü girov götürdülər Mərkəzi Klinikada tükürpədici qansızlıq: Pula görə ölünü girov götürdülər Sosial Bakıda “İŞİD üzvü” 8 yaşlı uşağı girov götürdü Bakıda “İŞİD üzvü” 8 yaşlı uşağı girov götürdü Hadise MTN-də saxlanılmış iş adamı: Mənzilimi banka girov qoydum, 32 min manat gətirib verdim MTN-də saxlanılmış iş adamı: Mənzilimi banka girov qoydum, 32 min manat gətirib verdim Gundem İŞİD keşişi girov götürdü İŞİD keşişi girov götürdü Dunya