Ağdam Rayon Təhsil Şöbəsinin müdiri Mətanət Misirxanova özünü bitirə-bitirə gedir

Cahan.info yazır ki, bu dəfə 8 Martla əlaqədar məktəb direktorlarından 300-500 manat civarında pul yığdırıb. Xəbəri ilk faktaz.com yayıb.

İddia olunur ki, əslində 8 Mart üçün 50-100 manatdan yığıblar. Sadəcə, 7 mart M. Misirxanovanın doğum günüdür, o da “bir güllə ilə iki dovşan” vurmaq istəyib.

Həm ad günü, həm 8 Mart hədiyyəsi adı altında yığılan məbləğ nəticədə böyük olub. Məktəb direktorları demişkən, “Mətiş” tutuzdurub.

Prezident məmurlara dəbdəbəli ad günü məclisləri təşkil etməmək tapşırsa da, Misirxanova bu göstərişi pozub, Misir fironları kimi özünə bahalı ad günü keçirib.Belə ki, martın 7-də Bərdədəki “Çinar” restoranında məclis qurulub.

Saytın iddiasına görə, M.Misirxanovaya MTN zabiti olmuş biri himayədarlıq edib. Hətta Ağdamın icra başçısı Vaqif Həsənov da ona bata bilmir, təhsil şöbəsi şefindən çəkinir.

Xəbərə görə, Misirxanovanın müqavilə müddətinin başa çatmasına sayılı günlər qalıb. Amma Ağdamda “at oynatması”ndan belə anlaşılır ki, müqavilə müddəti uzadılacaq.

Cahan.info yazır ki, Misirxanova bu vəzifəyə gələndən qalmaqallı işlərlə gündəmdədir. Bir müddət əvvəl də özünə müavin götürdüyü, hələ əmri gəlməmiş Farid Muradov haqda iddialar ortaya çıxmışdı.

F.Muradov təhsil şöbəsi müdiri Mətanət Misirxanovanın təlimatları ilə müavinlik funksiyalarını qeyri-rəsmi həyata keçirməyə başlayıb. Nə Təhsil Nazirliyinin, nə Ağdam İcra Hakimiyyətinin xəbəri var.

Ağdamdan gələn xəbərlərdə deyilir ki, M.Misirxanovanın "sağ əli" missiyasını yerinə yetirən F.Muradov məktəblərin, texnikumların, peşə liseylərinin başına bəla olub.

Onun gəldiyi gündən Ağdam təhsili ilə əlaqəli adamlar erməni ilə sərhəddə olduqlarını unudublar. İddialara görə, F.Muradov məktəb direktorlarına "gün verib, işıq vermir". Onlardan rüşvət tələbi, əsassız pul yığımı, müəllimlərdən bu vəsaitlərin alınması ciddi narazılıq yaratmaqdadır.

Rəsmi əmri gəlməmiş, amma Ağdam təhsilinin başına bəla gəlmiş F.Muradovun fəaliyyətinin ilk günlərdən ciddi etiraz doğurması nəzərləri M.Misirxanovaya yönəldib.

Biz ötən həftə yazmışdıq ki, F.Muradovun tapşırığı əsasında məktəblərdən 8 mart pulu da yığılıb. Ümumiyyətlə, Misirxanova özünü Ağdam təhsilinin Misir fironu kimi aparır.

Ağdam rayon Təhsil şöbəsinin müdiri Mətanət Misirxanova və Təhsil Nazirliyinin Daxili Nəzarət şöbəsinin Ağdam üzrə əməkdaşı Məhəmməd Aslanov birgə özbaşınalıqları ört-basdır edərək nazirliyin gözündən iraq etməyə çalışırlar.

Press-az.com-da gedən yazıda qeyd olunur ki, Ağdam Rayon Təhsil Şöbəsinin müdiri Mətanət Misirxanova vəzifəyə təyin olunan zaman bildirib ki, Prezident Administrasiyasının sənədlərlə və vətəndaşların müraciətləri ilə iş şöbəsinin müdiri Süleyman İsmayılov mənim yaxınımdır və onun köməkliyi sayəsində bu vəzifəyə təyin olunmuşam.

Amma bunu özündən uydurduğu, PA məmuru ilə əlaqəsi olmadığı, adından usi-istifadə etdiyi haqda söhbətlər dolaşır. Ümumiyyətlə, ölkənin ən biabırçı təhsil idarəçiliyi, məhz bu rayona məxsusdur.

Yazıda adı keçən bütün tərəflərin mövqeyini dərc etməyə hazırıq.