“Müxalifət dedikdə daha dəqiq ifadə olaraq, qərbyönümlü müxalifət ifadəsinin işlədilməsini düzgün hesab edirəm”. Bunu Azərinfo.az-a açıqlamasında Doğru Yol Partiyasının sədri Kəramət Salayev müxalifətin vahid yumruq şəklində birləşə bilməməsinin səbəblərindən danışarkən deyib. Onun sözlərinə görə, Son 20 il ərzində Qərbin siyasi və maliyyə institularının təsiri altında olan müxalifətin uğursuzluğa uğramasının səbəbi, onların xalqa bağlanan tellərinin qırılmasından irəli gəlir: “Milli hədəflərindən şüurlu imtina edib, Qərbin Azərbaycanda maraqlarının təmini üçün təzyiq qrupuna çevrilməsi, bu yolu seçən siyasətçilərin məntiqi olaraq sonu oldu. Sosial tələblərlə keçirilən mitinqlər isə aydın məsələdir ki, onların səmimiyyətindən irəli gəlmir. Heç də, onlar sosial böhran içində olan xalqın hüquqlarını qorumaq üçün deyil. Həmin mitinqlərin əsas mahiyyətini hər kəs analamlıdır ki, Qərbin Azərbaycana təzyiqi təşkil edir. Fikir verin ki, artıq həmin mitinqlərdə Avropa Birliyinin bayraqları qaldırılır və get-gedə bu həmin mitinqlərdə partiya bayraqlarını AB bayraqları əvəz edir. Axı AB bayraqlarının qaldırlmasının sosial tələblərlə keçirilən mitinqə nə dəxli var? Hesab edirəm ki, xalqımızın və milli idealara sadiq insanlarımızın düşünmələri üçün vaxt yetişib”.





Gülçin