2-10-2019, 15:09 Oxunub: 1 043

Məcburi köçkün tüstüdən boğulmaqdansa, Ermənistan tərəfə keçmək barədə düşünür - AQTA və ETSN-nin regional idarələrinin məmurlarından şikayət

Məcburi köçkün tüstüdən boğulmaqdansa, Ermənistan tərəfə keçmək barədə düşünür  - AQTA və ETSN-nin regional idarələrinin məmurlarından şikayət


Ağdam rayonundan olan məcburi köçkün, Bərdə rayonunun Qaradağlı kəndində yaşayan Əliyeva Rahilə Təmir qızı redaksiyamıza müraciət edərək bildirmişdir ki, 2 övladından, 8 nəvəsindən ibarət böyük ailəsinin dolanışığını təmin etmək üçün həyətində təndir sexi açıb işlədirmiş. Lakin, səhhətində problem yaranandan - bronxial astma xəstəliyi üzə çıxandan sonra tüstülü şəraitdə işləyə bilmədiyi üçün sexin fəaliyyətini dayandırmaq məcburiyyətində qalıb. Maddi vəziyyətləri ağırlaşdığı üçün həmin torpağın yarı hissəsini vəzifəli şəxs olan Əli müəllimə satıb.

Rahilə Əliyeva yazır ki, torpağı satdığı vaxt hərbi qulluqda olan oğlu ilə bir yerdə yaşayırmış deyə ilk əvvəl Əli müəllimin ondan aldığı sahədən hansı məqsədlə istifadə edəcəyini bilməyib. Lakin oğlunun yanından Qaradağlıya qayıdandan sonra görüb ki, torpağın yeni sahibi köhnə təndir sexinin qapısını sındırıb sökərək yerində yenisini, daha iri həcmlisini inşa edib. Halbuki, torpağı alanda Rahiləyə sexi sökməyi, üstündən çıxan materialları aparmağı məsləhət görübmüş. Təzə sexin tüstüsündən narahat olan Rahilə Əliyeva tüstüdən evin içində otura bilmədiyini Əli müəllimə desə də, fayda verməyib. Məcbur olub rayon rəhbərliyinə, prokurorluğa və başqa aidiyyati qurumlara şikayət etsə də, nəticəsi olmayıb: "Əli müəllim mənə dedi ki, sən mənə neyləyə bilərsən? Rayon prokuroru da, digərləri də hamısı mənim adamımdı, nazirlikdə oturan da qohumumdu. Gördüm ki, doğrudan da düz deyirmiş - çünki mənim şikayətimə heç kim baxmadı. İndi mən neyləyim - uşaqlarımla birgə Ermənistana keçim? Əli mənə deyir ki, oğlunun maşınına nəşə qoyduraram, kürəkənini də tutduraram. Ona kim bu səlahiyyətləri verib - bilmirəm".

Şikayətçi onu da qeyd etmişdir ki, bacısı və onun həyat yoldaşı Qarabağ savaşı zamanı həlak olandan sonra onların yetim qalan qızını da məhkəmə yolu ilə ona qəyyumluğa veriblər və qızın taleyi Beynəlxalq Qızıl Aypara Cəmiyyətinin də diqqət mərkəzindədir.

Müraciət müəllifi ərizəsinə əlavə olaraq sexlərin görüntüsünü, ətrafında yaranan zibilliyi əks etdirən video-foto materialları da redaksiyaya təqdim etmişdir. Həmin görüntülər sözügedən çörək istehsalı sexlərində qida təhlükəsizliyi üzrə mövcud normativ hüquqi aktların, sanitar-gigiyena tələblərinin təmin edildiyinə, istehsal olunan çörək nümunələrinin normativ texniki sənədlərin tələblərinə cavab verdiyinə şübhə doğurur. Şikayətçi həmçinin bildirmişdir ki, sexə işə cəlb olunan adamlarla əmək müqaviləsi bağlanmır, sexlərin gəlirləri vergidən gizlədilir.

Lakin, bu məsələ ilə bağlı ən ilginc məqam ondan ibarətdir ki, təkcə Rahilə Əliyevanın ailəsinə deyil, ümumiyyətlə, ətraf mühitə ziyan vuran sexlərin sahibi Əli müəllim Azərbaycan Qida Təhlükəsizliyi Agentliyinin Bərdə Regional Mərkəzinin yüksək vəzifəli əməkdaşıdır.

Belə-belə işlər!..

P.S. Ərizə üzrə araşdırma aparan əməkdaşımız ETSN 9 saylı Regional Ekologiya İdarəsinin rəisi Mübariz Hacıyevlə əlaqə saxlayıb, məsələ ilə bağlı idarə rəisini məlumatlandırıb. M.Hacıyev problemlə məşğul olacağını, hətta bizimlə birgə yerində baxış keçirilməsi üçün reyd təşkil edəcəyini söz versə də, hələ ki İdarə tərəfindən heç bir tədbir görülməyib.

Ümumiyyətlə, M.Hacıyev Tərtər çayının və Qarabağ kanalının üzərində çoxsaylı karxanaların və balıq vətəgələrinin, habelə su mühafizə zonasında fəaliyyəti qadağan olunan digər profilli qanunsuz sahibkarlıq obyektlərinin işləməsinə rəvac vermişdir. Bu barədə KİV-də, eləcə də "Azerinfo.az" saytında tənqidi məqalələr getsə də, 9 saylı Regional Ekologiya İdarəsinin rəisinə "gözün üstə qaşın var" deyən yoxdur.

İbrahim Hümbətov
Məcburi köçkün tüstüdən boğulmaqdansa, Ermənistan tərəfə keçmək barədə düşünür  - AQTA və ETSN-nin regional idarələrinin məmurlarından şikayət
Məcburi köçkün tüstüdən boğulmaqdansa, Ermənistan tərəfə keçmək barədə düşünür  - AQTA və ETSN-nin regional idarələrinin məmurlarından şikayət
Məcburi köçkün tüstüdən boğulmaqdansa, Ermənistan tərəfə keçmək barədə düşünür  - AQTA və ETSN-nin regional idarələrinin məmurlarından şikayət
Məcburi köçkün tüstüdən boğulmaqdansa, Ermənistan tərəfə keçmək barədə düşünür  - AQTA və ETSN-nin regional idarələrinin məmurlarından şikayət
Məcburi köçkün tüstüdən boğulmaqdansa, Ermənistan tərəfə keçmək barədə düşünür  - AQTA və ETSN-nin regional idarələrinin məmurlarından şikayət
Məcburi köçkün tüstüdən boğulmaqdansa, Ermənistan tərəfə keçmək barədə düşünür  - AQTA və ETSN-nin regional idarələrinin məmurlarından şikayət
Məcburi köçkün tüstüdən boğulmaqdansa, Ermənistan tərəfə keçmək barədə düşünür  - AQTA və ETSN-nin regional idarələrinin məmurlarından şikayət
Məcburi köçkün tüstüdən boğulmaqdansa, Ermənistan tərəfə keçmək barədə düşünür  - AQTA və ETSN-nin regional idarələrinin məmurlarından şikayət
300 məcburi köçkün yeni mənzillərə köçürüləcək 300 məcburi köçkün yeni mənzillərə köçürüləcək Sosial "Qaçqınkom" sədrinə MÜRACİƏT - "...həm də xəstə övladımızın səhhətinə pul ayırmalıyıq" Sosial "Mənim məhkumluğumdan sonra ailəmiz çox ağır durumdadır" - Məhbəs həyatı yaşayan məcburi köçkün Baş Prokurora müraciət etdi Sosial "Şəhid və məcburi köçkün ailəsi küçədə qalıb": Millət vəkili Əli Həsənova səsləndi Sosial Məcburi köçkün kömək istəyir Məcburi köçkün kömək istəyir Bolge