Dövlət Miqrasiya Xidmətində xidməti müşavirə keçirilib

Dövlət Miqrasiya Xidmətində 2015-ci ilin 9 ayının yekunlarına həsr olunmuş xidməti müşavirə keçirilib. APA-nın məlumatına görə, xidmətin struktur bölmələrinin və tabeliyindəki qurumların rəhbərlərinin iştirakı ilə keçirilən müşavirədə Dövlət Miqrasiya Xidmətinin rəisi, II dərəcəli dövlət miqrasiya xidməti müşaviri Firudin Nəbiyev hesabat məruzəsi ilə çıxış edib.
Dövlət Miqrasiya Xidmətində xidməti müşavirə keçirilib
Xidmət rəisi əcnəbilərin və vətəndaşlığı olmayan şəxslərin rahatlıqlarının təmin edilməsi baxımından miqrasiya qanunvericiliyinin təkmilləşdirilməsi istiqamətində həyata keçirilmiş fəaliyyəti vurğulayıb.

Vətəndaşlıq məsələlərinin həllində iştirak edən xidmətə, həmçinin vətəndaşlıq mənsubiyyətinin müəyyənləşdirilməsi ilə bağlı səlahiyyət verildiyi və bu istiqamətdə görülən işlər qeyd olunub. Bildirilib ki, ölkəmizdə vətəndaşsızlıq hallarının aradan qaldırılması üçün əsaslı fəaliyyət planı hazırlanıb.
Müşavirədə xidmətin beynəlxalq əlaqələri ətraflı təhlil olunub. Cənubi Qafqaza səfərini Azərbaycandan başlayan Beynəlxalq Miqrasiya Təşkilatının baş direktoru Uilyam Leysi Sinq miqrasiya sahəsində ölkəmizdə həyata keçirilən işləri, ümumilikdə, miqrasiya idarəetməsi üçün yaxşı nümunə adlandırıb.

Son illər miqrasiya baxımından mənşə ölkədən tranzit və təyinat ölkəyə çevrilən Azərbaycanda qalma müddətinə müvafiq olaraq hesabat dövründə 541.047 nəfərin olduğu yer üzrə qeydiyyata alındığı açıqlanıb.
Xidmətə əcnəbilər və vətəndaşlığı olmayan şəxslər tərəfindən ölkədə müvəqqəti olma müddətlərinin uzadılması, müvəqqəti və daimi yaşamaq üçün icazələrin verilməsi, vətəndaşlığa qəbul, xitam, bərpa, eləcə də vətəndaşlıq mənsubiyyətinin və qaçqın statusunun müəyyənləşdirilməsi, həmçinin əmək fəaliyyətinin həyata keçirilməsi üçün iş icazələrinin verilməsi və mövcud iş icazələrinin müddətlərinin uzadılması ilə bağlı 76.553 şəxs tərəfindən müraciət daxil olub. Müraciətlərin hər biri ayrı-ayrılıqda qanunvericiliyin tələblərinə uyğun olaraq araşdırılıb və müvafiq qərarlar qəbul edilib.

Bu ilin 9 ayı ərzində 20.589 əcnəbi və vətəndaşlığı olmayan şəxs tərəfindən ölkə ərazisində olma, müvəqqəti və daimi yaşama qaydalarına əməl edilməməsi, habelə etibarsız sənədlərlə yaşama hallarına görə inzibati qanunvericiliyin tələblərinin pozulması halları müəyyən olunub. Əcnəbi işçi qüvvəsindən istifadəni tənzimləyən qaydalara riayət edilməsinə dövlət nəzarətini həyata keçirən bir orqan kimi sahibkarlıq subyektlərində 168 yoxlama aparılıb, 123-də inzibati pozuntu aşkarlanıb və qanunvericiliyə uyğun olaraq müvafiq tədbirlər görülüb.
Loading...
XƏBƏR LENTİ
Bütün xəbərlər
Maraqlı
Jurnalistləri təhqir edən Kamil Zeynallının həyat yoldaşı efirdə ağladı – VİDEO
Üzərində Heydər Əliyevin və İlham Əliyevin rəsmi olan “iPhone”lar - 6200 AZN
Hacıbala Abutalıbov uşaqlarla pul söhbəti etdi: "Mənim 4 manatımı verin" (VİDEO)
Mətanət: “ANS mənə qazdığı quyuya özü düşdü” — MÜSAHİBƏ
Evlilik verilişində məşhurlaşan Nazın döyüldüyü ŞOK VİDEO
Həftənin çox oxunanları
Video
Jurnalistləri təhqir edən Kamil Zeynallının həyat yoldaşı efirdə ağladı – VİDEO
BDU-dan səs yazısı ilə bağlı açıqlama
ATV-dən Sergey Lavrova ağır sözlər- “Erməni kimi cavab verdi...”
Hacıbala Abutalıbov uşaqlarla pul söhbəti etdi: "Mənim 4 manatımı verin" (VİDEO)
Evlilik verilişində məşhurlaşan Nazın döyüldüyü ŞOK VİDEO