Qarabağın azadlığını gözləyən Qazi Vidadinin sonu

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Qarabağın azadlığını gözləyən Qazi Vidadinin sonu

Gundem

Oxunub: 1 480

14 sen 2014 | 10:58

Düşmən gülləsindən ölmədi, amma məmur rüşvətxorluğu və yaramazlığı evini başına uçurtdu...

Təbii ölüm təbiətin qanunudur. Amma indi Azəbaycanda insanlar təbiətin yox, 21 ildir ki, ölkənin bütün ərazisi o tərəfə, başkənd Bakıda belə normal yaşayış şəraiti yarada bilməyən hakimiyyətin məsuliyyətsizliyi üzündən məhv olurlar. Ömürlər yarıda qalır, ailələr məhv olur. Şəkildə gördüyünüz bu oğlan Qarabağ qazisi Vidadi İsmayılovdur (Vidadi İsmayıl). Onu mən hərbidə işləyərkən Qarabağ Müharibəsi Veteranlar Birliyində görmüşdüm. "Veteran" qəzetində çalışırdı. Həmkarlığımız sonradan dostluğa çevrildi. Həm Qərbi Azərbaycan (Ermənistan) qaçqını, həm də Qarabağ qazisi olmasına rəğmən illərlə özünə yuva qura bilmirdi. Sonda bir hissəsini özü topladığı, yarısını borc aldığı 4 min dollarla Xırdalanda Sovet dövründən tikintisi yarımçıq qalmış binada 3 otaqlı yarımçıq ev aldı. İllərlə əziyyət çəkib həmin evi tamamladı. Dövlətin görəcəyi işi həmin binadakı məcbur köçkünlər və Qarabağ qazisi Vidadi gördü.
Dəfələrlə cəhd göstərdilər ki, binanı dövlət gəlib yoxlasın, texniki təhlükəsizliyinə baxılsın. Amma hər dəfə külli miqdarda rüşvət istənildi. Nəticədə bina Allah ümidinə ayaqda durdu. Həmin binada - Vidadinin halal zəhmətlə qurduğu evdə qonaq da olmuşam, xəngəl qonaqlığıyla evin açılışını qeyd etmişik. Vidadi o ümidlə yaşayırdı ki, günün birində Qarabağ azad ediləcək və o da bu yarımçıq binadan çıxıb gedəcək o torpaqlarda yaşamağa. Amma dövlət başında duranların rüşvətxorluğu, məsuliyyətsizliyi və mənəviyyatsızlığı bu adamın ömrünü yarı yolda qoydu. Bir neçə gün öncə səhər saat 6.30-da binada partlayış oldu. 3 nəfər öldü, Vidadi və ailəsi isə ağır xəsarətlərlə xəstəxanaya çatdırıldı. Amma nə yazırlar ki, Qarabağ savaşında düşmən gülləsindən ölməyən, kəşfiyyatçı olaraq dəfələrlə xüsusi əməliyatlarda iştirak edən, öz zəhmətinə Respublika Aztelekom İstehsalat Birliinin baş mütəxəssisi vəzifəsinə yüksələn Vidadinin ömrünü dövlət vəzifəsi daşıyanların məsuliyyətsizliyi yarıda qoydu. Bu gün Vidadi aldığı xəsarətlərdən xəstəxanada vəfat etdi...Nəticədə təkcə bina partlamadı, həm də Vidadinin borc-xərclə qurduğu ev dağıldı, ailəsi başsız qaldı, 3 övlad ata, bir xanım həyat yoldaşı, bir ana övlad, çoxlu insan isə dost itirdi. Eyni zamanda Azərbaycan igid və cəsur bir Qarabağ qazisini kayb etdi. Qəza deyəcəksiniz. Amma bu qəza və tale deyil. Bu yarıtmaz dövlət idarəçiliyinin nəticəsidir. Nə qədər ki, insanlar qalxıb öz haqqını tələb edib, xalq öz dövlətinə sahib çıxmayıb bu gün Vidadinin evi partladığı, ömrü yarıda qaldığı kimi, sabah da başqalarının başına bu gələcək...
Allah Qarabağ qazisi və gözəl insan Vidadi İsmailə rəhmət eləsin!