5-04-2016, 23:02 Oxunub: 559

Ölkə yollarında növbəti yol qəzaları baş verib: ölən və xəsarət alanlar var

Ölkə yollarında növbəti yol qəzaları baş verib: ölən və xəsarət alanlar varBakıda ölümlə nəticələnən yol qəzası baş verib. Qazaxda isə “VAZ”-la “Mercedes” markalı avtomobillər toqquşub. Xaçmazda da qəza baş verib.

Bakıda piyadanın ölümü ilə nəticələnən yol-nəqliyyat hadisəsi baş verib. Hadisə paytaxtın Xəzər rayonunda qeydə alınıb. Buzovna qəsəbəsində Bakı şəhər sakini Gündüz Əsədov idarə etdiyi “Hyundai” markalı avtomobillə yolu keçən paytaxt sakini Leyla Namazovanı vurub. Nəticədə piyada hadisə yerində ölüb. İlkin ehtimala görə, qəzaya səbəb avtomobilin yüksək surətlə idarəedilməsi olub.

Qazaxda da yol qəzası baş verib. “VAZ” markalı minik avtomobili, “Mercedes” markalı maşınla toqquşub. Nəticədə “VAZ” markalı avtomobilin yanar hissələri yanıb. Qəza zamanı sürücü müxtəlif bədən xəsarətləri alıb və ona yerində ilkin tibbi yardım göstərilib. Digər avtomobil yanğından mühafizə olunub. Yanğın yanğınsöndürənlər tərəfindən söndürülüb. Qəzaya ilkin səbəb kimi avtomobillərin birinin digərinin yoluna çıxması göstərilir.

Ötən gün, gecə saatlarında Gəndob-Yalama avtomobil yolunun Xaçmaz rayonunun Müzəffəroba kəndi ərazisindən keçən hissəsində də yol nəqliyyat hadisəsi baş verib. 23 yaşlı Xaçmazın Mürşüd-oba kənd sakini Hikmət Əbilov idarə etdiyi “VAZ 21 012” markalı avtomobil qəfil idarəetməni itirərək ağaca çırpılıb. Nəticədə ağır xəsarətlər alan sürücü Hikmət Əbilov Xaçmaz Mərkəzi rayon Xəstəxanasının travmatologiya şöbəsinə yerləşdirilib. Tibb müəssisəsindən verilən məlumata görə, yaralının vəziyyəti ağır-stabildir. Qəzanın hansı səbəbdən baş verdiyi hələ ki, məlum deyil.

Artıq faktlarla bağlı BDYPİ-nin İstintaq və Təhqiqat Şöbəsində araşdırmalara başlanılıb.

kepeztv/az
Ölkədə baş verən yol qəzaları və onların ağır nəticələri Ölkədə baş verən yol qəzaları və onların ağır nəticələri Hadise Ölkə ərazisində baş verən yol qəzaları ağır nəticələrlə yadda qalıb - Foto Ölkə ərazisində baş verən yol qəzaları ağır nəticələrlə yadda qalıb - Foto Hadise Qarlı şaxtalı hava yollarda qəzalara səbəb olub, yaralılar var Qarlı şaxtalı hava yollarda qəzalara səbəb olub, yaralılar var Hadise Yol qəzaları 4 nəfəri canından edib, 2 nəfər yaralıdır - Foto Yol qəzaları 4 nəfəri canından edib, 2 nəfər yaralıdır - Foto Hadise Ölkə ərazisində 4 avtomobil qəzası baş verib, yaralılar var Ölkə ərazisində 4 avtomobil qəzası baş verib, yaralılar var Hadise