Hazırda antiterror idarələrinin əməkdaşları döyüşçülərin axtarışını aparırlar.

Azərbaycanın şimal sərhədində antiterror əməliyyatı rejimi elan edilib. ANS PRESS-in Rusiya mətbuatına istinadən verdiyi məlumata görə, Dağıstanda Milli Terrorçuluğa qarşı Komitənin Operativ Qərargahı bu səhər respublikanın Məhərəmkənd rayonunun ərazisində antiterror əməliyyatı rejiminin tətbiq edildiyini elan edib. Rejim bu səhər saat 5:30-dan etibarən qüvvəyə minib.
Əsas məqsəd baş verə biləcək mümkün terror aktlarının qarşısnı almaq, vətəndaşların təhlükəsizliyini təmin etmək, həmçinin terror aktlarını həyata keçirən qruplaşma üzvlərinin axtarışını və saxlanmasını təmin etməkdir. Dağıstan Respublikasının Operativ qərargahının rəhbərliyi belə bir qərar verib.
Qərargahdan onu da bildiriblər ki, hazırda antiterror idarələrinin əməkdaşları döyüşçülərin axtarışını aparırlar.
"Hazırda antiterror idarələrinin əməkdaşları döyüşçülərin axtarışını həyata keçirir".
Bundan əvvəlki antiterror əməliyyatı rejimi isə ötən həftənin başlanğıcında Dağıstanın Məhərrəmkənd rayonundan Azərbaycan sərhədinə qədər uzanan Kurax rayonunda baş tutub.
Dağıstanda antiterror əməliyyatları ötən həftədən başlayıb. Bu 29 -30 martda polisə qarşı törədilən terror aktlarının səbəbkarlarının müəyyən edilməsi məqsədi daşıyır. Qeyd olunan tarixlərdə iki polis maşını partladılıb.
Martın 29-da Rusiya Daxili İşlər Nazirliyinin avtomobil karvanı Mahaçkala yaxınlığında partladılıb. Hadisə nəticəsində bir nəfər həlak olub. Partlayışın baş verdiyi "Qafqaz" magistral yolu ilə Rusiya DİN-in Dağıstan Respublikası üzrə xidməti avtomobillərindən ibarət maşın karvanı hərəkət edirmiş.

"Ural" zirehli maşını və UAZ avtomobili 13 nəfəri aparırmış. Avtomobil karvanı Mahaçkaladan Kaspiyskə gedirmiş.