Bakı, Samux və Şəkidə yol qəzaları baş verib. Nəticə yenə də insan ölümü, xəsarət halı və maddi ziyandır.

Bakıda ölümlə nəticələnən yol qəzası baş verib. Hadisə bu gün səhər saat 5 radələrində paytaxtın Qaradağ rayonunda qeydə alınıb. Hadisə zamanı “VAZ” markalı minik avtomobilini maneəyə çırpan sürücü 24 yaşlı Vüsal Cəbrayılzadə dünyasını dəyişib. Onun meyiti maşından FHN-in Xüsusi Riskli Xilasetmə Xidmətinin xilasediciləri tərəfindən çıxarılıb.

Samuxda da yol qəzası baş verib. Bu dəfə sürücü xəsarət alıb. Hadisə Samux-Qarayeri avtomobil yolunun Samux rayonu ərazisindən keçən hissəsində qeydə alınıb. “VAZ 2106” ilə “KamAz” markalı avtomobil toqquşub. “VAZ”-ın sürücüsü, Samux rayonu, Qaraarx kənd sakini, 29 yaşlı Aydın Xəlilov müxtəlif bədən xəsarətləri alaraq, Gəncə şəhər Təcili Tibbi Yardım Xəstəxanasına yerləşdirilib.

Şəkidə də yol qəzası baş verib. Nəriman Nərimanov küçəsi ilə hərəkətdə olan “Mercedes” markalı avtomobilin sürücüsü idarəetməni itirərək qəza törədib. Yüksək sürət nəticəsində aşan avtomobil yolda bir neçə dəfə yuvarlanıb. Ətrafdakı elektrik dirəyi və asfalta ziyan dəyib. Xəsarət alan olmayıb, ancaq sürücü avtomobili qoyaraq qəza yerini tərk edib.

Bütün faktlarla bağlı araşdırma aparılır.

14.07/21:58-ə olan xəbər

Samuxda bir nəfərin yaralanması ilə nəticələnən yol qəzası baş verib. Hadisə Samux-Qarayeri avtomobil yolunun Samux rayonu ərazisindən keçən hissəsində qeydə alınıb. “VAZ 2106” ilə “KamAz” markalı avtomobilin toqquşub. “VAZ”-ın sürücüsü, Samux rayonu, Qaraarx kənd sakini Aydın Xəlilov müxtəlif bədən xəsarətləri alaraq, Gəncə şəhər Təcili Tibbi Yardım Xəstəxanasına yerləşdirilib.

Şahin Quliyev- həkim: "Xəstənin ilkin müayinəsi zamanı küt travması, hər iki diz oynaqlarının və sağ bilək oynağının əzniyi aşkar olunub. Ona ilkin tibbi yardım göstərilib və sonrakı müalicə üçün şöbəyə yerləşdirilib. Hazırda vəziyyəti orta-ağırdır".

Faktla bağlı araşdırma aparılır.

http://kepeztv.az