Qadının sağlam uşaqlığını çıxarıblar - Sumqayıtda dəhşət

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Qadının sağlam uşaqlığını çıxarıblar - Sumqayıtda dəhşət

Hadise

Oxunub: 978

30 avq 2016 | 05:30

"Mədəmdəki ağrılara görə xəstəxanaya getdim. Əlini qarnıma sürtdü, dedi, ""şiş” var, təcili əməliyyata götürülməlisən”. Məni elə oradanca Sumqayıtdakı "Şəfqət” özəl klinik xəstəxanasına göndərdi”.

"BİR DƏ AYILDIM Kİ, ƏMƏLİYYAT MASASINDAYAM”

Qaynarinfo.Az xəbər verir ki, AzadlıqRadiosunun "Qaynar xətt”inə danışan Ağdam köçkünü Sevinc Mirzəyevanın iddiasına görə, Sumqayıt şəhərində fəaliyyət göstərən "Şəfqət” özəl tibb klinikasında ona səhv diaqnoz qoyaraq uşaqlıq orqanını çıxarıblar. Üstəlik, ona xərçəng diaqnozu qoyulub. Nəticədə hər gün ölüm qorxusu yaşaya-yaşaya psixoloji problemləri yaranıb:

"Mən mədəmə görə 1 saylı şəhər xəstəxanasına müraciət etmişdim. Orada həkim Şaban Əhmədovun yanına ötürdülər ki, müayinə etsin. O da əlini qarnıma sürtüb dedi ki, "şişdir, get yaxınlqıdakı "Şəfqət”ə, bir azdan mən də gəlirəm. Səni orada ultrasəs müayinədən keçirəcəm. Bir azdan "Şəfqət” özəl klinik xəstəxanasında görüşdük. Mənə iynə vurdu. Dedi ki, guya vurduğu müayinənin nəticəsini düzgün göstərsin deyə, qarına su yığmaqdan ötrü dərmandır. İynədən sonra nə baş verib, xəbərim olmayıb. Bir də ayıldım ki, əl-qolum bağlı əməliyyat masasındayam. Sən demə, mənə narkoz vurub əməliyyat ediblər, sağlam vəziyyətdə olan uşaqlığımı çıxarıblar”.

"ÖZÜMÜN DƏ XƏBƏRİ OLMAYIB”

Sevinc Mirzəyeva danışır ki, növbəti gün ondan xəstəxanaya 1500manat ödəyib oranı tərk etməsini istəyiblər. O isə razılığı və xəbəri olmadan əməliyyata götürüldüyünə görə həkimlərdən şikayət edəcəyini bildirib:

"Evimə, müdirimə zəng vurdum, başıma gələnləri danışdım. Dedilər, "iki gündür səni axtarırıq, artıq polisə müraciət etmək fikrindəydik”. Bildirdim ki, heç özümün də xəbərim olmayıb, müayinəyə gəlmişəm, tutub narkoz vurub əməliyyat eləyiblər. Müdirim xəstəxanaya gəlib 450 manat verdi, bildirdim ki, əməliyyatı və xərcini özümlə əvvəlcədən razılaşdırmadıqları üçün ondan artıq pul verməyəcəm”.

Deməsinə görə, xəstəxananı tərk edəndə həkim ona xərçəng diaqnozu qoyub. O da bir müddət psixoloji sarsıntı içərisində yaşayıb:

"Canımı incitdikləri azmış kimi, mənə nə boyda psixoloji, mənəvi zərbə vurdular. 3 ayın hər anını, hər dəqiqəsini həyəcanla, qorxuyla yaşadım. Psixoloji pozuntuya məruz qaldım. Hələ də psixoloq yanına gedirəm. Təsadüfən başqa bir həkimə müraciət edəndə bildirdim ki, "mənə xərçəng diaqnozu qoyulub”. Başdan ayağa müayinələrdən keçdim, həklim güldü, dedi, "səni aldadıblar”.

"BOŞ YERƏ VAXT İTİRİRSİZ”

Sevinc Mirzəyeva Türkiyə vətəndaşı ilə nigaha girmək istəyir, ancaq həkimlərin səhv diaqnozu nəticəsində sağlam uşaqlığını itirdiyindən ana olmaq şansından məhrumdur. O, həkimlərlə bağlı hüquq-mühafizə orqanlarına müraciət edib:

"Sumqayıt prokurorluğuna müraciət etdim, dedilər, "get, məhkəməyə ərizə yaz. Məhkəməyə müraciət edirəm, deyir, "get, prokurorluğa müraciət elə”. Səhiyyə Nazirliyinə müraciət etdim, çağırdılar, onlar da məhkəməyə müraciət etməyimi məsləhət gördülər. Üstəlik də əlavə etdilər ki, "boş yerə vaxt itirirsiz. Bu şikayətlərinizin nəticəsi yoxdur”.

Sevinc Mirzəyevanın sözlərinə görə, 7 ay xəstəxanaya gedib gələndən sonra epikriz ala bilib.

"BÜTÜN ORQANLARI GÖTÜRÜLMƏSƏYDİ...”

AzadlıqRadiosu Şaban Əhmədovla əlaqə saxlamağa cəhd göstərsə də, alınmayıb. Həkim məsələ ilə bağlı "Qafqaznews” saytına bildirib ki, Sevinc Mirzəyeva xəstəxanaya daxil olarkən vəziyyəti ağır olub. Ona "papillar kistoma" diaqnozu qoyulub və həmin diaqnoz əsasında əməliyyata götürülüb: "Onun bütün orqanları götürülməsə idi, gələcəkdə həmin orqanlarda xərcəng yaranacaqdı", - həkim bildirib.

Şaban Əhmədov onu da qeyd edib ki, əməliyyata götürülməzdən əvvəl xəstə hərtərəfli məlumatlandırılıb və könüllü razılıq verib.

Səhiyyə Nazirliyindən "Qaynar xətt”ə bildirilib ki, Sevinc Mirzəyevanın nazirliyə şikayəti daxil olmadığından araşdırma aparmayıblar.

Sevinc Mirzəyeva Baş Prokuror Yanında Korrupsiyaya Qarşı Mübarizə İdarəsinin "Qaynar xətt”inə zəngindən sonra nazirliyin əməkdaşı tərəfindən qəbul olunduğunu, həmin əməkdaşın da ona məhkəməyə müraciət etməyi məsləhət gördüyünü deyir.