Bakı İŞİD və PKK-ya qarşı mübarizəni gücləndirməyə qərar verdi - qanun sərtləşir
Hadise
Oxunub: 608
5 in 2017 | 14:00
Bakı İŞİD və PKK-ya qarşı mübarizəni gücləndirməyə qərar verdi - qanun sərtləşir

















Hakimiyyət “Terorçuluqla mübarizə haqqında” Qanuna dəyişiklik edərək “terrorçu” və “terror təşkilatı” anlayışları haqda bölümü genişləndirir; Azərbaycan elə bir riskli regionda yerləşir ki, ölkənin terrordan qorunması indi ən aktual məsələlərdən biridir; prezident Respublika Günündə bu təhlükələrlə bağlı nələri demişdi?

İyunun 3-də Londonda baş vermiş terror aktı Avropaya və eləcə də dünyaya terrorçu qrup və təşkilatlarla mübarizənin necə önəmli olduğunu bir daha göstərdi. İraqdan və Suriyadan sıxışdırılan İŞİD terrorçuları indi nəinki Avropada, hətta Filippin adasında teraktlar törədərək tezliklə təslim olmayacaqları barədə mesaj vermiş oldular. Qardaş Türkiyə də ötən həftə PKK ilə mübarizədə yenə şəhidlər verdi.

Azərbaycan da elə bir riskli regionda yerləşir ki, ölkənin terrordan qorunması indi ən aktual məsələlərdən biridir. Təsadüfi deyil ki, Respublika Günü ilə bağlı rəsmi törəndə Azərbaycan prezidenti İlham Əliyev bu məsləyə xüsusi yer ayırmışdı. Sitata diqqət edək: “Bu gün bölgədə, dünyada risklər, təhlükələr artır, təhlükə mənbələri genişlənir, əfsus ki, bizim coğrafiyamızda sabitlik təmin edilmir, əksinə, ildən-ilə vəziyyət daha da gərginləşir. Ona görə təhlükəsizlik məsələləri ön planda olmalıdır”.

Dövlət başçısı daha sonra ölkəmiz üçün risklərin xaricdən formalaşdığını demişdi. “Mümkün olan risklər xaricdə formalaşır. Belə olan halda biz ölkəmizi bundan sonra da xarici risklərdən qorumalıyıq, həm fiziki nöqteyi-nəzərdən, eyni zamanda, düzgün siyasət aparmaqla. Biz sərhəd mühafizəsini kifayət qədər gücləndirmişik və bu istiqamətdə əlavə addımlar atılacaqdır” deyə, prezident terrorizmlə mübarizənin gücləndirildiyinə açıq işarə etmişdi. Aydındır ki, prezident bu sözləri ilə həm də terrorçu təşkilatlara qarşı mübarizənin gücləndiriləcəyini nəzərdə tuturdu.

Ötən həftə sonu isə məlum olub ki, Azərbaycan rəhbərinin dedikləri sadəcə, gələcək plan deyil, bu istiqamətdə artıq real iş başlayıb. Belə ki, “Terorçuluqla mübarizə haqqında” Qanuna dəyişiklik edilir. Məlumata görə, qanunda əsas iki məsələ - “terrorçu” və “terror təşkilatı” anlayışları haqda bölüm genişləndirilir.

Hazırki qanunvericiliyə əsasən, terrorçu - hər hansı bir formada terror fəaliyyətinin həyata keçirilməsində iştirak edən şəxsdir. İndi isə hakimiyyət terrorçu ilə bağlı bu redaksiyada dəyişiklik edəcək. Sitat: “Terrorçu - hər hansı formada, birbaşa və ya dolayısı ilə, qəsdən terror fəaliyyətinin həyata keçirilməsində təşkilatçı, təhrikçi, köməkçi və icraçı qismində iştirak edən və ya bu cür aktları hazırlayan və ya onların törədilməsinə cəhd edən, habelə əvvəlcədən əlbir olan bir qrup şəxsin, mütəşəkkil dəstənin və ya cinayətkar birliyin terror fəaliyyətini həyata keçirməsinə bilə-bilə yardım göstərən fiziki şəxsdir”.

Yeni düzəlişdən göründüyü kimi, indi teraktda birbaşa iştirak edən yox, bu akta hər hansı formada dəstək vermiş şəxs də terrorçu hesab olunacaq.

Qanunda terror təşkilatları ilə bağlı maddə də dəyişdirilir. Hazirkı variantda göstərilib ki, “terror təşkilatı-terror fəaliyyətinin həyata keçirilməsi məqsədilə yaradılan və ya öz fəaliyyətində terrorçuluqdan istifadəni mümkün hesab edən təşkilatdır. Əgər struktur bölmələrindən biri təşkilatın hər hansı bir rəhbər orqanının razılığı ilə terror fəaliyyəti ilə məşğuldursa, həmin təşkilat terror təşkilatı hesab edilir”.

İndi bu maddə konkretləşdirilir: “Terror təşkilatı - hər hansı formada, birbaşa və ya dolayısı ilə, qəsdən terror fəaliyyətinin həyata keçirilməsində təşkilatçı, təhrikçi, köməkçi və icraçı qismində iştirak edən, terror aktlarını hazırlayan və ya onların törədilməsinə cəhd edən, habelə əvvəlcədən əlbir olan bir qrup şəxsin, mütəşəkkil dəstənin və ya cinayətkar birliyin terror fəaliyyətini həyata keçirilməsinə bilə-bilə yardım göstərən terrorçu şəxslərin qrupu və ya öz fəaliyyətində terrorçuluqdan istifadəni mümkün hesab edən təşkilatdır”. Bu maddə ilə terror təşkilatlarının tanınmasının əhatə dairəsi genişləndirilib.

Azərnbayncann təkcə ASALA kimi erməni terror təşkilatlarının deyil, PKK-dan da zərbə alan ölnkənlər sıransınndadır. Çünnki ermənilər özləri də etiraf edirlər ki, Azərnbayncannın işnğal olunnmuş əranzılənrinndə PKK ternror təşnkılantı nəninnki kök sanlıb, hətnta onnlar bunranda illərdir ki, yernlənşibnlər, təlim mərkəzləri yaradıblar. PKK-nın işğal olunmuş ərazilərimizdə yernləşnmənsi isə təkcə Azərbaycan üçün deyil, ətraf dövlətlər üçün də çox bönyük təhnlünkə mənnbənyıdir.

Dünyanın dörd bir tərəfində dəhşətli terrorlar törədən İŞİD-ə isə təəssüf ki, Azərbaycandan da qoşulanlar var. Onların əksəriyyəti döyüşlərdə ölsələr də, hansısa yollarla yenidən ölkəmizə qayıdanlar da tapılır. Onlar burada da dinc oturmur, qeyr-qanuni əməllərinə davam edir, özlərinə tərəfdar toplayırlar. Qeyri-rəsmi məlumatlara görə, indiyədək təkcə Şəki və Zaqatala bölgəsindən Suriyaya gedənlərin sayının 250 nəfərdən çoxdur. Ümumiyyətlə, Azərbaycanın şimal bölgəsindən 100-ə yaxın adamın Suriyada vuruşduğu, onların əksəriyyətinin döyüşlərdə öldürüldüyü bildirilir.

Ötən il və bu ilin əvvəlində Dövlət Təhlükəsizlik Xidməti (DTX) həm şimal bölgəsində, həm Bakıda Azərbaycan hüdudlarından kənarda fəaliyyət göstərən terror təşkilatlarına qoşulmuş bir neçə şəxsi zərərsizləşdirib. Belə görünür ki, rəsmi Bakı həm PKK, həm İŞİD və eləcə də regionu qana bulamaq istəyən digər terror qrupları ilə mübarizədə qərarlıdır və qanuna yeni düzəliş bunu bir daha təsdiqləyir. (musavat.com)
Bu gün, 11:08
İranın nüvə obyektlərinə zərər dəyməyib - AEBA
Bu gün, 11:04
Kəlbəcərdə boş ərazini stadiona çevirib futbol oynadılar - VİDEO
Bu gün, 10:58
Bakı-Ağstafa-Bakı marşrutu üzrə əlavə qatar reysləri təyin edilib
Bu gün, 10:41
Təhlükəli olduğu deyilən, Azərbaycanda da satılan qida məhsulu ilə bağlı Rəsmi AÇIQLAMA
Bu gün, 10:31
“İrana raket hücumu olmayıb”
Bu gün, 10:20
Ağ Ev Kremli Qarabağa görə niyə qınayır: Fransadan sonra ABŞ da “maska”sını tam çıxartdı
Bu gün, 10:14
"Emilin vəfatından sonra yatmıram"
Bu gün, 10:01
Azərbaycanda 23 yaşlı oğul ata və anasını qətlə yetirdi - RƏSMİ
Bu gün, 09:47
Avro və lirə ucuzlaşdı, rubl bahalaşdı
Bu gün, 09:42
Övladını xilas etmək istəyərkən Kürdə batan atanın meyiti tapılıb
Bu gün, 09:11
Ermənistan ya xəritədən silinəcək, ya da ərazisi kiçiləcək - VİDEO
Bu gün, 09:07
Ukrayna XİN: Gürcüstan üçün real təhdid "ruslaşma"dır, “ukraynalaşma” deyil
Bu gün, 09:03
Rusiya sülhməramlılarına vida: Ermənistan yeni şəraiti necə dəyərləndirəcək?
Bu gün, 09:00
İsrail zərbə endirdi: İranda partlayış, ABŞ isə...
Dünən, 16:00
Siyasət meydanının 10 nömrəsi... - Hər vurduğu qol olur...
Dünən, 15:30
“Rusiya hərbçilərini Qarabağdan çıxmaq istəmirdi, amma...” - Diplomatik uğur və məntiqi nəticə
Dünən, 14:22
Rus əsgərinin Qarabağdan... çıxışlıq halı - O MÜBARƏK AN...
Dünən, 14:00
Qarabağ... bax indi AZƏRBAYCANDIR! - HƏQİQƏTƏN DƏ...
Dünən, 13:39
İnsan qanı ilə qidalanan “vampir bakteriyalar” - Kimlər risk altındadır?
Dünən, 13:01
Nazir müavini təyin olunan Axundov kimdir? – DOSYE
Dünən, 13:00
Qərbin vasitəçiliyi: Boş-boş danışıqlar və... - FAKT BUDUR!
Dünən, 12:57
40-a yaxın müdir işdən çıxarılıb, 200-ə yaxını isə... - RƏSMİ
Dünən, 12:51
Rusiya sülhməramlılarının Azərbaycandan çıxması prosesi davam edir
Dünən, 12:02
Sürücülərin NƏZƏRİNƏ: Bu yol üç gün bağlı olacaq - FOTO
Dünən, 11:55
Bakının bu ərazisində söküntü: Bina tikiləcək - VİDEO
Dünən, 11:49
Nazirə yeni müavin təyin edildi - SƏRƏNCAM
Dünən, 11:23
İcra ediləcək yeni layihə 230 min hektar əkin sahəsini əhatə edəcək