İntiharlar artır, ailələr də dağılır - Kreditə görə gərginlik

Prezident niyə Berlinə Füzulidən uçdu? - 3 MESAJ

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İntiharlar artır, ailələr də dağılır - Kreditə görə gərginlik

Hadise

Oxunub: 595

6 in 2017 | 11:16

İntiharlar artır, ailələr də dağılır - Kreditə görə gərginlik

Natiq Cəfərli: "Kredit hər ailəyə təsir edəcək problemə çevrilib. Bu da intiharlar, ailələrin dağılması, sosial vəziyyət, yaşam səviyyəsinin aşağı düşməsi ilə bağlı problemlər artır"

"Kreditlərlə bağlı banklar və müştərilər arasındakı problemlər artıq kritik həddə çatıb”.

Bunu borca görə intihar edənlərin artmasına münasibət bildirərkən iqtisadçı-ekspert Natiq Cəfərli deyib. O xatırladıb ki, ölkədə təqribən 2 milyona yaxın insanın kredit borcu var:

"Hətta az qala o qədər insan müxtəlif kredit müqavilələrində zamin kimi çıxış edir. Kredit hər ailəyə təsir edəcək problemə çevrilib. Bu da intiharlar, ailələrin dağılması, sosial vəziyyət, yaşam səviyyəsinin aşağı düşməsi ilə bağlı problemlər artır. Nəticə etibarı ilə intiharların da sayının artdığını müşahidə edirik. Təəssüf ki, problemlə bağlı ciddi addımlar hələ də atılmır. Beynəlxalq Bankla bağlı proseslərdə gördük ki, hökumət istəyəndə vətəndaşlara kömək edə bilir. 10 milyard manata yaxın problemli kreditlər Beynəlxalq Bankdan demək olar silindi.

Ümumilikdə, əhali ilə bağlı belə qərarların verilməsi uzun müddətdir gecikdirilir. Çünki devalvasiyadan sonra dollarla olan kreditlərin həcmi və faizləri artdığına görə, əhali az qala götürdüyü kreditin 3 qatını qaytarmalı oldu. Buna isə insanların gücü çatmır, gəlirləri də azalıb. Bu isə borcların qaytarılmayacağına daha çox əminlik yaradır. Dövlətin müdaxiləsi və dəstəyi olmasa, problem həllini tapmayacaq. Məsuliyyət bölgüsü gərəkli olsa da hələlik bütün məsuliyyət vətəndaşların üzərindədir. Problemli kreditlər vətəndaşın, bankın və dövlətin arasında 3 yerə bölünməlidir ki, ilkin mərhələdə məsələnin həlli ilə bağlı müsbət addımlar olsun. Problemlərin həlli uzandıqca, həm ailələrdə, həm də ümumi cəmiyyətdə gərginliyin artmasına səbəb olur. Müvafiq komissiya qurulmalı, təkliflər hazırlanmalı və dövlət tərəfindən qəbul olunmalıdır ki, problemli kreditlərlə bağlı məsələlərin son həddə çatdırılmasının qarşısı alınsın”.

Qeyd edək ki, Maştağa qəsəbəsində 1967-ci il təvəllüdlü Cabbarov Lütfəli Ağəli oğlu sol qolunu ülgüclə kəsərək canına qəsd edib. Nəticədə çoxlu qan itirən kişi dünyasını dəyişib. İntihara səbəb kimi mərhumun xeyli borcunun olması göstərilir. (Sherg.az)