"İşgəncə vermirdik, çimizdirirdik" - İmişlidəki görüntüləri polis araşdırdı

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Prezident niyə Berlinə Füzulidən uçdu? - 3 MESAJ

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

"İşgəncə vermirdik, çimizdirirdik" - İmişlidəki görüntüləri polis araşdırdı

Hadise

Oxunub: 592

10 avq 2017 | 20:48

"İşgəncə vermirdik, çimizdirirdik" - İmişlidəki görüntüləri polis araşdırdı

"Bu işgəncə deyildi, qayğısızlıq idi..."

Avqustun 8-də Xəzər televiziyasının "Xəzər-xəbər" proqramında "İmişlidə inəyə ekskavatorla işgəncə verdilər" adlı videosüjetdə bir qrup şəxsin inəyi buynuzundan ekskavatorun çömçəsinə bağlayaraq su kanalına salmaları, heyvana əzab verərək onu suda o tərəf-bu tərəfə fırlatmalarını əks etdirən videogörüntü yayımlanıb.

Daxili İşlər Nazirliyindən AZXEBER.COM-a verilən məlumata görə, videosüjetlə əlaqədar İmişli Rayon Polis Şöbəsində araşdırma aparılıb. Müəyyən edilib ki, həqiqətən də, belə bir hadisə iyun ayının axırlarında rayonun Çahar kəndində baş verib.

Həmin vaxt orada olan Çahar kənd sakini Atamoğlan Nuriyev və Gövhərli kənd sakini Fərman Əzimov Rayon Polis Şöbəsinə dəvət edilərək izahatları alınıb.

Müəyyən edilib ki, həmin vaxt rayonun Çahar kənd sakini Atamoğlan Nuriyevə məxsus inək çirkab suların dolduğu kanala düşüb. Sahibi pis qoxu gəldiyi üçün su ilə yusa belə, onun kirinin getməyəcəyini və balası olan heyvanı bu vəziyyətdə evə aparmağın mümkün olmadığını görüb, traktoru olan yaxın qohumu Fərman Əzimovdan inəyi yaxınlıqdakı göldə yumaq üçün kömək istəyib.

Onlar inəyi "T-28" markalı traktorun qovuşuna bağlayaraq heç bir zərər və xəsarət yetirmədən göldə yuyulması üçün bir-iki dəfə sağa-sola çəkərək hərəkət etdiriblər.

Lakin yayımlanan görüntülər dəfələrlə təkrarlandığından bu, seyrçilərdə işgəncə təəssüratı yaradaraq hiddət və qəzəb oyadıb.

Atamoğlan Nuriyev və Fərman Əzimov İnzibati Xətalar Məcəlləsinin 290.1.9-cu (ev heyvanı saxlayan və ya ona baxan şəxs tərəfindən ev heyvanlarına müvafiq icra hakimiyyəti orqanının müəyyən etdiyi qaydada nəzərdə tutulmuş qayğıların göstərilməməsinə görə) maddəsində nəzərdə tutulan inzibati xətanı törətdiklərinə görə barələrində inzibati xəta haqqında protokol tərtib olunub.