Övlad qatilləri — Problemin kökündə nə dayanır?
Son zamanlar "Dəhşətli qətl" başlığı ilə valideynin övladını öldürməsi, hətta xüsusi amansızlıqla bunu etməsi barədə xəbərlər yayılmaqdadır. Valideyn uşağı dünyaya gətirir və ya buna dəstək olur, böyüdür, yanında yuxusuz gecələri keçirir, amma bir gün nədənsə, öldürmək qərarına gəlir. Ekspertlərin fikrincə, qatil valideynlər psixoloji, psixi və nevroloji problemlərdən, narkotik maddələrdən və spirtli içkilərdən asılılıqdan, ümumilikdə acizlikdən bu hala düşə bilər.
Bu yaxınlarda baş verən belə hadisələrdən biri ananın 5 yaşlı qızını öldürməsidir. Qusar rayonunun Hil kəndində fermada yaşayan Gülnarə Saypullayeva qızı, 5 yaşlı Luiza Saypullayevanın qəflətən ölməsi barədə polisə məlumat vermişdir. Aparılan araşdırmalar nəticəsində azyaşlının zəhərlənərək öldürüldüyü müəyyənləşib. Şübhəli şəxs qismində dindirilən Gülnarə Saypullayeva ilkin ifadəsində qızını ilan sancdığını deyib.
Amma ekspertizanın rəyindən sonra məlum olub ki, qızcığaz zəhərlənib. Bundan sonra ana həqiqəti etiraf edib və südə zəhər qataraq uşağa içirtdiyini bildirib.
“Ölkə.Az” xəbər verir ki, hüquqşünas Aynur Musayeva "Ekspress"ə bildirib ki, ananın yeni doğduğu uşağı doğuş vaxtı və ya doğuşdan dərhal sonra qəsdən öldürməsi üç ilədək müddətə azadlıqdan məhrum etmə ilə cəzalandırılır: "Qəsdən adam öldürmə, yəni digər şəxsi qəsdən həyatdan məhrum etmə doqquz ildən on dörd ilədək müddətə azadlıqdan məhrum etmə ilə cəzalandırılır. Xüsusi amansızlıqla və ya təqsirkar şəxs üçün aşkar surətdə köməksiz vəziyyətdə olan adamı qəsdən öldürmə on dörd ildən iyirmi ilədək müddətə azadlıqdan məhrum etmə və ya ömürlük azadlıqdan məhrum etmə ilə cəzalandırılır. Köməksiz vəziyyətdə olan adamı öldürmə, o vaxt yaranır ki, zərərçəkmiş şəxs özünün fiziki və ya psixi qüsurlarına görə təqsirkara müqavimət göstərmək imkanına malik olmur və cinayət törədən şəxs zərərçəkmişin köməksiz vəziyyətdə olduğunu dərk edir. Köməksiz vəziyyətdə olmaq dedikdə zərərçəkmişin qoca, xəstə, azyaşlı, bəzi hallarda yetkinlik yaşına çatmamış olması və s. kimi hallar başa düşülməlidir.
Xüsusi amansızlığın əlamətləri həyatdan məhrumetmə ərəfəsində və ya adam öldürmə prosesində zərərçəkmiş şəxsə əzab, işgəncə verilməsi, təqsirkar üçün aşkar surətdə zərərçəkmişə xüsusi ağrılar (çoxlu miqdarda xəsarətlər yetirmə, şiddətli ağrı verən zəhərdən istifadə edilməsi, diri-diri yandırılması, uzun müddət ac-susuz saxlanması və s.) yetirilməsi hallarında mövcud olur. Xüsusi amansızlıq həmçinin təqsirkarın zərərçəkmiş şəxsi onun yaxın adamlarının yanında onlara xüsusi əzab verdiyini dərk etdiyi hallarda öldürməkdə də ifadə oluna bilər".
Musayeva qeyd edib ki, valideynin öz övladını qəsdən həyatdan məhrum etməsi işin konkret hallarından asılı olaraq xüsusi amansızlıqla və ya təqsirkar şəxs üçün aşkar surətdə köməksiz vəziyyətdə olan adamı qəsdən öldürmə cinayəti kimi töfsif oluna bilər: "Qəsdən adam öldürmə və ananın yeni doğduğu uşağı doğuş vaxtı və ya doğuşdan dərhal sonra qəsdən öldürmə cinayətləri hadisənin baş verdiyi ərazi üzrə prokurorluq orqanları tərəfindən araşdırılır".
Psixoloq Vəfa Rəşidovanın "Ekspress"ə bildirdiyinə görə, son zamanlar valideynlərin övladlarına zorakılıq tətbiq etmək, onları öldürmək belə geniş yayılmış problemdir: "Belə hadisələri minimuma endirmək üçün psixoloji, psixi və nevroloji problemləri olanlar vaxtlı-vaxtında müalicələrini etməlidir. Problemin əsl kökünə baxmaq lazımdır. "Valideyni övladını öldürməyə nə vadar etdi? Hansı səbəbə görə uşağını öldürdü? Valideyn olduğu təqdirdə, onu dünən sevərkən, bağrına basarkən bu gün niyə öldürdü" suallarını qarşımıza qoysaq, görəcəyik ki, həqiqətən də faciəvi vəziyyətin yaranmasının kökündə ciddi, dərin problem dayanır. Ruhi xəstə olan insan cinayət törətdiyi anı belə xatırlaya bilməz. Belə hadisələr tək psixi problemdən qaynaqlanmır. Narkotik maddələrdən, spirtli içkidən asılılıqdan da ola bilər. Həmin maddələrin təsirindən o durumda edilən cinayətlər olur. Övlad öldürmədə daha çox iki amil iştirak edir: həm narkotik maddədən asılılıq, həm də psixoloji problemlər. Narkotik maddədən, spirtli içkidən asılı olan insanın sinir sistemləri, psixoloji durumu normal vəziyyətdə deyil. İnsan affekt vəziyyətində ola bilər".
Müsahibimiz qeyd edib ki, uşağına qarşı zor tətbiq etmək artıq aqressiyadan keçib və daha dərin bir problemdir. Onun sözlərinə görə, əgər bir insan problem yaşayırsa, iradəsiz ola bilər, tükənə bilər, mübarizə gücünü itirər. "Bölüşəcəyi, güvənə biləcəyi heç kimi yoxdur. İnsan düşünə bilər ki, mən yaşadıqlarımı övladım yaşamasın və bu səbəbdən də övladını öldürmək istəyər.
Heç nə elə-belə olmur. Problem illər öncə kök salmış, davam etmiş, insan müalicə almadan dözmüş və sonda bu, faciə ilə nəticələnmiş",-deyən psixoloq esab edir ki, bu kimi problemlər olmasın deyə insan sosiallaşmalı, dünya görüşünü artırmalıdır. Bunu edən insanlar daha çox evdə oturan, evə qapanan, maariflənməmiş insanlar olur. İnsan daimi bir yerdə durduğunu görürsə, irəliləməli, özünü inkişaf etdirməlidir. Əks halda insan batdıqca, batır.
Depressiyaya düşür. Bu zaman psixi problemlər də özünü göstərməyə başlayır. Amma psixi problemlər genetik də ola bilər. Bütün hallarda psixi problemlərə ciddi yanaşılmalıdır.
Bu gün, 10:07
Putin döyüş meydanında uğurun sirrini açıqladı
Bu gün, 10:02
Conson Ağ Evin planını DE-ŞİFRƏ ETDİ: ABŞ bu ölkəyə də hücum edəcəkdi, amma...
Bu gün, 09:59
Anar Ələkbərov o videonu Prezidentlərə göstərdi - VİDEO
Bu gün, 09:41
Paşinyan sərhəddəki delimitasiya barədə hesabat verib
Bu gün, 09:38
Nəsib Quliyevin övladları və xanımı yasda İŞTİRAK ETMƏDİLƏR
Bu gün, 09:33
Prezident niyə Berlinə Füzulidən uçdu? - 3 MESAJ
Bu gün, 09:00
Rasizmin beşiyinə çevrilən ABŞ-ın Azərbaycana qarşı uydurma hesabatı - FAKTLAR
Dünən, 17:48
İlham Əliyev Qırğızıstan prezidentinə Qarabağ atı hədiyyə etdi - FOTO
Dünən, 16:00
Tokayev dəhliz üçün dövrədə: Əliyev son tarixi açıqladı - Paşinyan Bakıya gəlir?
Dünən, 15:39
Xocalıda insan qalıqları aşkar edilib - FOTO
Dünən, 15:34
Azərbaycan və Qırğızıstan prezidentləri Ağdamda məktəbin təməlqoyma mərasimində
Dünən, 15:30
Zəngəzur dəhlizi açılsa... - GƏLİŞMƏ
Dünən, 14:22
Paşinyan üçün QURTULUŞ YOLU... - hələ ÇOX İŞ görməlidir...
Dünən, 14:00
Sabah Bakıda 29, rayonlarda 31 dərəcə isti olacaq
Dünən, 12:28
Rusiya ABŞ-ın nəhəng bankının hesablarına həbs qoydu
Dünən, 12:24
İrəvan Təbrizdə baş konsulluğunu açır
Dünən, 12:20
Azərbaycan və Qırğızıstan prezidentləri Ağdam şəhərində olublar
Dünən, 12:13
Azərbaycanda parlament seçkisi ilə bağlı daha bir ANONS
Dünən, 12:09
Nəsib Quliyev qadına görə intihar edib - SENSASİYALI İDDİA
Dünən, 12:04
ABŞ Ermənistan ordusundakı ölümlərdən narahatdır
Dünən, 11:58
Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB
Dünən, 11:46
Türkiyə vətəndaşını şantaj edən şəxs həbs edildi
Dünən, 11:40
Laçın şəhərinə getmək istəyənlərə ŞAD XƏBƏR
Dünən, 11:36
Bakıda Azərbaycan-Macarıstan Hökumətlərarası Komissiyasının 10-cu iclası başlayıb
Dünən, 11:14
Rus ordusunda fərarilik rekord həddə qalxdı
Dünən, 11:10
İntihar edən baş pediatrın dəfn olunacağı yer açıqlandı
Dünən, 10:16
“Laçın yolundan da Rusiya bayrağı götürüldü... - Sülhməramlılar çıxmaqda davam edir...”