Bakının Zabrat Maştağa yolunda 1 nəfərin ölümü 5 �nin isə yaralanması ilə nəticələnən zəncirvari yol qəzası baş verib. Sabunçu və Yasamalda qeydə alınan qəzalarda isə xəsarət alan olmasa da, avtomobillərə ciddi ziyan dəyib.

Paytaxtın Zabrat Maştağa yolunda baş verən qəza zamanı sürücü 20 yaşlı Elsevər Səttarov idarə etdiyi "KİA" markalı avtomobillə yüksək sürətlə hərəkətdə olarkən qəfil idarəetməni itirib. Nəticədə nəqliyyat vasitəsi ara yoldan magistrala çıxmaq istəyən 39 yaşlı Rüfət Həşimova məxsus "Honda" markalı avtomaşına çırpılıb. Sükana sahib ola bilməyən sürücü maşınını əvvəlcə "Opel"ə, daha sonra isə VAZ-2107 markalı avtomobilə vurub. Baş verən qəzada hər iki avtomobilin sürücüsü və "Honda"da olan sərnişinlər Aleftina Axundova, Emil Həşimov, Ömər Həşimov və İradə Axundova ağır vəziyyətdə 3 saylı Sabunçu xəstəxanasına gətirilib. Xəstəxanadan verilən məlumata görə, yaralı Aleftina Axundova reanimasiya şöbəsində dünyasını dəyişib. Digər yaralılara yardım göstərilib, vəziyyətləri kafi olaraq qalır.
Gecə saatlarında paytaxtın Yasamal rayonu Mətbuat prospektində də zəncirvari yol- nəqliyyat hadisəsi baş verib. "Mersedes" markalı avtomobil üzü Mətbuat-Müşfiq dairəsi istiqamətində yüksək sürətlə hərəkətdə olarkən qəfil idarə etməni itirib. Nəticədə nəqliyyat vasitəsi qarşıda hərəkətdə olan �Volksvagen�ə o da öz növbəsində xanım sürücünün sükanı arxasında olduğu "KİA"ya çırpılıb. Baş verən qəzada xəsarət alan olmasa da hər 3 avtomobilə ciddi ziyan dəyib. Qəzadan sonra prospektdə tıxac yaranıb.
Sabunçu rayonu Yeni Ramana qəsəbəsi ərazisində baş verən qəza zamanı isə avtomobil dərin quyuya yuvarlanıb. Sürücü Əhəd Nemətov taksi kimi idarə etdiyi "Fiat" markalı minik avtomobili ilə üzü Şuşa şəhərciyi istiqamətində hərəkətdə olarkən avtomobili dərin çuxura salıb.

Hər üç faktla bağlı araşdırmalara başlanılıb.

Yevlax şəhəri, Heydər Əliyev prospektində də 2 ardıcıl avtomobil qəzası baş verib. Həmin prospektdə hərəkətdə olan Yevlax şəhər sakini, Şahin Rzazadənin idarə etdiyi "OPEL" markalı avtomobil ilə əks istiqamətdən gələn Ağdam rayon sakini Namiq Abdullayevin idarə etdiyi "VAZ 21 099" markalı maşın toqquşub. Bu hadisənin ardınca Yevlax şəhər sakini Seymur Hüseynovun idarə etdiyi "VAZ 2106" markalı avtomobil ilə eyni istiqamətdə hərəkətdə olan Yevlax rayon Səmədabad kənd sakini Samir Məmmədovun idarə etdiyi "Mercedes" toqquşub. Bu hadisəyə "VAZ 21 06"-nın sürücüsünün hərəkətdə olarkən manevr etmə qaydasını düzgün yerinə yetirməməsinin səbəb olduğu bildirilir. Qəzalar zamanı xəsarət alan olmasa da, avtomobillərə ciddi ziyan dəyib. Baş verən hadisələrlə bağlı araşdırmalar davam edir.

kepeztv.az