Gəncə şəhəri Kəpəz rayonu Rüzgar Qasımov küçəsi ikinci dalan birinci döngədə yanğın hadisəsi baş verib. Şəhər sakini 75 yaşlı Abbas Məmmədova məxsus ümumi sahəsi 120 kv.m olan 3 otaqlı evin 1 otağında ev əşyaları 24 kv.m sahədə yanıb. Dərhal hadisə yerinə Gəncə şəhər Dövlət Yanğından Mühafizə Hissəsinin yanğın söndürənləri çağrılıb evin qalan hissəsi yanğından mühafizə olunub.
Şəmkir şəhərində isə ümumi sahəsi 244 kv.m olan birmərtəbəli alman tipli yaşayış evində yanğın hadisəsi baş verib. Evin dam örtüyünün 50 kv.m sahədə yanar konstruksiyaları, 10 kv.m sahədə bir otağın tavanı, 60 kv.m sahədə isə 2 otağın yanar konstruksiyaları və ev əşyaları yanıb. Şəmkir şəhər Dövlət Yanğından Mühafizə hissəsinin yanğın söndürənləri evin qalan hissəsinin eləcə də qonşu evlərə keçməsinin qarşısını alıb. Hər iki faktla bağlı araşdırma aparılır.