Meksikada uşaqları qaçırmaqda təqsirləndirilən iki nəfər 150 nəfərə yaxın insan tərəfindən diri-diri yandırılıb.

Türkiyə mediasına istinadən xəbər verir ki, ölən şübhəlilərdən birinin 53, digərinin isə 21 yaşı olub.

Meksika polisinin verdiyi açıqlamaya görə, şübhəlilərin saxlanıldığı yerə 15o nəfərə yaxın insan axın edib. Onlar həmin şəxsləri polis idarəsindən çıxararaq üzərilərinə tezalışan maddə tökərək yandırıblar.

Hadisədən sonra şübhəlilər insanların gözü önündə diri-diri yanaraq ölüblər.

Yerli polis baş verənlərlə bağlı heç bir şəxs barəsində tədbir görməyib.