ABŞ-da satanistlərdən ibarət bir qrup dijital film və serial platforması "Netflix" və "Warner Brothers"in ortaq isthsalı olan "The Chilling Adventures of Sabrina" (Sabrinanın tük ürpədən macəraları) serialına görə, 50 milyon dollarlıq təzminat davası açıb.
"Ölkə.Az" xəbər verir ki, Satanist Məbəd adlı qrup serialda yer alan "tanrı" fiqurunun özlərinin heykəlləri olan Baphomet-ə (şeytanı simvolizə edən büt) bənzədiyini və müəllif hüquqlarının pozulduğunu irəli sürüb.

Şikayət mövzusu olan heykəl serialdakı cadugər qəbiləsini inandığı şeytani Qara Lorda aiddir.

Məbədin qurucularından olan Lüsien Qrivs twitter-də serialdakı fiqur və Baphometin yan-yana fotolarını "Müqayisə etməyiniz üçün" başlığı ilə paylaşdı.
Qrivs serialın allahları Baphometi də qaraladığı bildirib.

Qeyd edək ki, qrupun ABŞ-da 15 məbədi var.