Lerikdə başlayan yanğın Hirkan Milli Parkına keçib

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

Lerikdə başlayan yanğın Hirkan Milli Parkına keçib

Hadise

Oxunub: 1 669

23 iy 2014 | 14:25

Yanğının söndürülməsinə təyyarə və helikopterlər cəlb olunub, ETSN-in fövqəladə hallar üzrə Tədbirlər Mərkəzinin 20 nəfərlik heyəti Lerik rayonuna yola düşüb

Lerik rayonunun Piran kəndində dağlıq meşə ərazisində başlayan yanğın Hirkan Milli Parkına keçib.
APA-nın cənub bürosunun xəbərinə görə, yanğın parkın Lənkəran rayonu ərazisində saat 16.20 radələrində qeydə alınıb.
Hadisə yerinə Fövqəladə Hallar Nazirliyinin Lənkəran Rayon Dövlət Yanğından Mühafizə Hissəsinin canlı qüvvəsi cəlb olunub.
Yanğın yüksəklikdə baş verdiyindən əraziyə yanğınsöndürən avtomobillərin qalxması mümkün deyil.
Yanğın böyük ərazini əhatə edib.
Ekologiya və Təbii Sərvətlər Nazirliyinin mətbuat xidmətinin rəhbəri İradə İbrahimova APA-ya bildirib ki, ötən gün Lerik rayonunun Piran kəndində bələdiyyə ərazisində başlayan, sonradan yüksək dağlıq meşə fondu torpağına keçən yanğın bu gün külək nəticəsində başqa ərazilərə də keçərək daha böyük ərazini əhatə edib. İ. İbrahimova deyib ki, yüksək dağlıq ərazidəki meşədə davam edən yanğın meşə fondu ilə sərhəddə yerləşən Hirkan Milli Parkının Haftoni meşəbəyliyinin 21 saylı dolayına keçib və təxminən 0,2 hektar ərazini əhatə edib. Hadisə yerinə Milli Parkın və ETSN-in bütün qurumlarının, yerli qurumlarının əməkdaşları cəlb olunub.
Hadisənin ciddiliyi nəzərə alınaraq ETSN-in fövqəladə hallar üzrə Tədbirlər Mərkəzinin lazımi avadanlıqları götürülərək, nazirliyin 20 nəfərlik heyəti Lerik rayonuna yol düşüb. Yanğının söndürülməsi üçün müvafiq tədbirlər görülür.
FHN də yanğınla bağlı məlumat yayıb. Məlumatda deyilir ki, Lənkəran rayonu Hirkan Milli Parkının (rayon mərkəzindən 8 km aralı) dağlıq ərazidə yerləşən hissəsində yanğın hadisəsi baş verib. Yanğının söndürülməsinə Fövqəladə Hallar Nazirliyinin Aviasiya Dəstəsindən 1 helikopter, 2 ədəd yanğınsöndürmə texnikası və müvafiq şəxsi heyəti cəlb edilib. Hazırda yanğının söndürülməsi üzrə işlər davam etdirilir.
Qeyd edək ki, Piran kəndində (rayon mərkəzindən 35 km aralı) dağlıq meşə ərazisində yanğın bir neçə gündür, davam edir.
Yanğınsöndürən maşınların hadisə yerinə qalxması mümkünsüz olduğundan yanğının söndürülməsi işinə traktorlar və digər ağır texniki vasitələrlə yanaşı, yerli qurumların əməkdaşları və sakinlər cəlb olunublar.
Yanğının söndürülməsinə Nazirliyin Aviasiya Dəstəsindən 2 helikopter və 1 yanğınsöndürmə təyyarəsi cəlb olunub.