Ukrayna televiziyasında iqtidar millət vəkili ilə radikal milliyətçi millət vəkili canlı yayımda dava ediblər.
“Ölkə.Az” xəbər verir ki, tərəflər arasında başlayan mübahisə şillə-təpik davasına çevrilib.

Pyotr Poroşenko blokuna məxsus millət vəkili Oleq Barna ilə milliyətçi millət vəkili Yuriy Levçenko arasında Ukraynanın on vilayətində fövqəladə vəziyyətin elan edilməsi ilə bağlı mübahisə başlayıb.

Levçenko Barnanı Ukraynadakı varlıların, iş adamlarının xidmətçisi olmaqda ittiham edib. Barna isə Levçenkonu təhqir edib. Bundan sonra müxalif millət vəkili Levçenkonun yanına gələrək onu yumruqlayıb və yerə yıxıb.
Kanaldan verilən açıqlamaya əsasən, dava zamanı televiziyanın texnikası da zərər görüb.