Filippinin ən varlı insanı, “SM İnvestments Corporation” şirkətinin fəxri sədri Henri Si dünyasını dəyişib.
“The Philippine Star” nəşrinin xəbərinə görə, 94 yaşlı iş adamı səhər saatlarında vəfat edib.

Onun vəfatı barədə şirkət rəsmi bəyanat verib, ailəsi isə məlumatı təsdiqləyib. Henri Si yuxuda ikən dünyasını dəyişib, ətraflı məlumat verilmir.
2018-ci ildə “Forbes” jurnalının versiyasına əsasən, Filippinin “ən varlı adamları” siyahısına liderlik edib. Onun 18.3 milyard dollar sərvəti var.

Henri Si biznes-maqnatdır. O, daşınmaz əmlak, bank, təhsil, səhiyyə və digər sahələrdə fəaliyyət göstərib.