Məşhur meyxana ustadı İntiqam axşam saatlarında təcili yardım maşını ilə xəstəxanaya çatdırılıb.

Sənətçi uzun müddətdir bel və ayaq ağrılarından əziyyət çəkir.

O, disk yırtığı ilə əlaqədər uzun müddət müalicələr alıb, amma 4-gün əvvəl İntiqamın belində ağrıları olduğu üçün bir həkimə müraciət edib. Meyxanaçının belində dartılma əməliyatı həyata keçirilib. Bundan sonra onun ayağında zəifləmələr yaranıb və tədricən yeriməsini itirib.

Ambulansla gətirildiyi tibb müəssisəsində müayinə olunduqdan sonra həkim tərəfindən təcili əməliyyat qərarı verilib.

Meyxanaçı əməliyatdan sonra hər şeyin qaydasında olduğunu və bunun uğurla həyata keçdiyini bildirib.

Məlumata görə, təqribən 15-20 dəqlik əməliyyatdan sonra İntiqam bu ağrılardan azad olunub və artıq əməliyyatdan sonra o, öz normal səhhətinə tədricən geri dönməyə başlayıb.