Səhiyyə Nazirliyi: @Həkimlər yaralılara yardım etmək üçün əllərindən gələni əsirgəmirlər@

Bakıda baş verən ağır qəza zamanı yaralanan 25 nəfərdən 5-i uşaq, 20-si yetkinlik yaşına çatmış şəxs olub. Bu barədə Səhiyyə Nazirliyindən ANS PRESS-ə bildirilib.
Verilən məlumata görə, müxtəlif dərəcəli bədən xəsarətləri alan yaralılardan çoxuna ilkin tibbi yardım göstərilib və onlar evə buraxılıblar. Xəstəxanaya yerləşdirilən 19 yaralıdan isə 8 nəfərin vəziyyəti yaxşı olduğu üçün onlar da bir neçə saatdan sonra evə buraxılıb.

Hazırda xəstəxanada 11 xəstə müalicə olunur. Onlardan 3 nəfər reanimasiya şöbəsinə yerləşdirilib. Digərlərinin vəziyyəti isə yaxşıdır. Onlar da yaxın saatlarda evə buraxılacaq.

16:25

Bakının Sabunçu-Zabrat yolunda baş verən dəhşətli qəzada 25 nəfər yaralanıb. Bu barədə Səhiyyə Nazirliyindən ANS PRESS-ə bildirilib. Verilən məlumata görə, qəza zamanı xəsarət alanların 19 nəfəri xəstəxanaya yerləşdirilib.

Digər yaralılara isə ilkin tibbi yardım göstərilib.

Xəstəxanaya yerləşdirilən xəstələrin üçü reanimasiyaya qoyulub. Digərləri isə palatalara yerləşdirilib. Həkimlər xəstələrə yardım etmək üçün əllərindən gələni ediblər. Həkimlərin səyi nəticəsində vəziyyəti daha ağır olan xəstələrin həyatı təhlükəsi sovuşub.

Hazırda yaralılar müalicə olunurlar.

Qeyd edək ki, bu gün Bakının Sabunçu-Zabrat yolunda �Shacman� markalı yük maşını 214 saylı �Daewoo� markalı avtobusla toqquşub. Hadisə Zabratdan şəhərə gələn istiqamətdə ensiz yolda baş verib.

Bakı Sərnişinnəqliyyat Məhdud Məsuliyyəti Cəmiyyətinin sərnişindaşımaları monitorinqi, lisenziya və fərqlənmə nişanlarının cəlb etmə şöbəsi müdir müavini Vüqar İbrahimlinin ANS PRESS-ə verdiyi məlumata görə, qəza yük maşınının sürücüsünün günahı üzündən olub.

"Avtobusu idarə edən sürücü Bayram şəhər istiqamətinə hərəkət edərkən görüb ki, qarşı tərəfdən iki �Shacman� markalı yük maşını gəlir. Yük maşınları ötüşürmüşlər. Onlar avtobusa yol verməyiblər, nə də sürəti azaltmayıblar. Avtobus sürücüsü nə qədər etsə də, qəza qaçılmaz olub", - deyə Vüqar İbrahimli bildirib.