Keçmiş arvadının qətlində təqsirli bilinərək həbs olunan Samir Əliyevin cinayət işi Azərbaycan Respublikasının Ali Məhkəməsinin 30 yanvar 2019-cu il tarıxlı qərarına əsasən təkrar baxılması üçün Bakı Apellyasiya Məhkəməsinə göndərilib.
Məhkəmə iclası hakim Həsən Məmmədovun sədrliyi ilə iyul ayının 1-də keçiriləcək.

Qeyd edək ki, bu cinayət işi ilə bağlı 10 yanvar 2019-cu il tarıxdə saytımızda xəbər dərc olunub. Əlavə edərək onu bildirmək istəyirik ki,həmin yazıda Samir Əliyevin anası Bakıdakı 191 saylı orta məktəbin direktoru Rəhimə Əliyevadır. Bu hadisədən sonra keçmiş polis zabitinin anası tutduğu vəzifədən azad olunub. Qardaşı Ramil Əliyev də huquq-mühafizə orqanlarında müstəntiq kimi çalışıb. Ancaq qardaşının həbsindən sonra onu da daxili işlər orqanlarından azad ediblər. Atası isə 8-ci km qəsəbəsində yerləşən "Cənnət Bağı " restoranının sahibidir xəbəri verilib.

Lakin "TƏKZİB" olaraq onu bildirmək istəyirik ki, Samir Əliyevin qardaşı daxili işlər orqanlarından uzaqlaşdırılmamış və hal-hazırda Nəsimi RPİ-nin müstəntiqi vəzifəsində çalışır. Anası Rəhimə Əliyeva isə ailə vəziyyəti ilə əlaqədar öz arzusu ilə 191 saylı məktəbin direktoru vəzifəsindən istefa verib və hal-hazırda həmin məktəbdə bioloğiya müəlliməsidir. Atası Səməndər Əliyev "Cənnət Bağı" restoranının sahibi olması barədə yazılanlara da aydınlıq gətirərək qeyd etmək istəyirik ki, "Cənnət Bağı" restoranının sahibi Səməndər Əliyev deyil.
İnanırıq ki, Bakı Apellyasiya Məhkəməsində Samir Əliyev barəsində olan cinayət işinə obyektiv hüquqi qiymət veriləcək.