Şəxsi avtomobilli ilə xələfini vuran icra nümayəndəsi, zərərçəkənin özünü avtomobilə çırpdığını iddia edir

İyunun 11-də İmişli rayonunun Məzrəli kəndində bir nəfər piyadanın ciddi xəsarət almağı ilə nəticələnən yol-nəqliyyat hadisəsi baş verib.
Sürücünün kənd icra nümayəndəsi Əyyar Seyidov, piyadanın isə sabiq icra nümayəndəsi Elmik Hüseynov olmağı rayon ictimaiyyəti tərəfindən birmənalı qarşılanmayıb.
Bəziləri iddia edir ki, sabiq və hazırkı nümayəndə neçə vaxtdan bəri konfliktdə olub. infom.az-a danışan yerli mənblər xatırladıb ki, Elmik Hüseynov icra nümaqyəndəsi olduğu müddətdə Məzrəli bələdiyyəsinin sədri, hazırkı nümayəndənin qardaşı olan Mirzağa Seyidovla da yola getməyib.
Qeyd edək ki, Məzrəli inzibati-ərazi vahidliyinə Məzrəli, Xubyarlı və Çaxırlı kəndləri daxildir. Bu kəndlərin ərazisində çoxsaylı qum-çınqıl karxanası, asfalt, dəmir-beton zavodu və digər iri müəssisələr yerləşir.
Seyidov qardaşları bir neçə obyektə rəhbərlik edir. Gəzən söz-söhbətlərdə o da vurğulanır ki, 5 ay əvvəl icra nümayəndəsi vəzifəsindən kənarlaşdırılan Elmik Hüseynov ayrı-ayrı şəxslərdən və banklardan xeyli məbləğ təşkil edən borc pul götürərək yeni vəzifəyə təyinat üçün �başlıq� verib. Amma nə işi düzəlib, nə də pulunu geri ala bilib.
Son vaxtlar onun halının pərişan, çaşqınlıq içində olduğu müşahidə edilib. Ehtimal olunur ki, E. Hüseynov özünü qəsdən maşının altına atmaqla, ölərsə borclu olduğu şəxslərdən yaxa qurtarmaq, sağ qalarsa hadisənin çözülməsi prosesində �başlıq� olaraq verdiyi pulu geri almaq, üstəlik yerinə təyin edilən nümayəndəni məsuliyyətə cəlb etdirmək istəyib.
"İnfom.az-a danışan Əyyar Seyidov da iddia edir ki, sabiq nümayəndə bu hadisəni bilərəkdən yaradıb: "Onun başı çatdırmır, özünü qəsdən maşınıma çırpıb." "Niyə məhz Sizin maşını seçib, buna qədər aranızda konflikt vardımı?" sualını isə Ə. Seyidov cavablandırmadı.
Telefonu söndürüldüyündən baş verən hadisə ilə bağlı Elmik Hüseynovdan mövqe öyrənə bilmədik.