11-07-2019, 12:57 Oxunub: 250

Biləsuvarda qadın qarpızdan zəhərlənib öldü – Rəsmi reaksiyalar

Biləsuvarda qadın qarpızdan zəhərlənib öldü – Rəsmi reaksiyalar

Biləsuvarda qadın qarpızdan zəhərlənərək ölüb.

Hadisə iyulun 10-da rayonun İsmətli kəndində baş verib.

27 yaşlı Cəmilə Əlizadə qarpız yedikdən sonra zəhərlənib və gecə saatlarında vəfat edib. Hazırda onun meyiti daxili müayinə olunması üçün ekspertizaya göndərilib.

Araşdırma aparılır.

Həyat yoldaşı hərbçi olan C.Əlizadənin başqa rayondan oraya gəlin köçdüyü bildirilir.

Səhiyyə Nazirliyindən “Qafqazinfo”ya bildirilib ki, xəstə axşam saatlarında xəstəxanaya kritik vəziyyətdə daxil olub. Yaxınlarının deməsinə görə qarpızdan zəhərlənib. 05:30 radələrində aparılan reanimasion tədbirlərə baxmayaraq dünyasını dəyişib. Faktla əlaqədar rayon hüquq-mühafizə orqanları məlumatlandırılıb. Ölümün dəqiq səbəbini müəyyənləşdirmək üçün, meyitin Məhkəmə Tibbi-Ekspertiza və Potoloji Anatomiya Birliyinə təhvil verməsinə mərhumun yaxınları qəti etirazlarını bildiriblər. Bu səbəbdən də ölümün dəqiq səbəbini müəyyənləşdirmək mümkün olmayıb.

Azərbaycan Qida Təhlükəsizliyi Agentliyindən bildirilib ki, hazırda hadisə ilə bağlı AQTA-nın mütəxəssisləri tərəfindən araşdırmalara başlanılıb: “Hadisənin qida zəhərlənməsi olub-olmaması və baş vermə səbəbləri ilə bağlı aidiyyəti qurumların əməkdaşları ilə birlikdə araşdırmalar aparılır. Araşdırmanın nəticələri ilə bağlı ətraflı məlumat təqdim olunacaq”.
Bakıda zəhərli qarpızlar açıq satışda - VİDEO Bakıda zəhərli qarpızlar açıq satışda - VİDEO Iqtisadiyyat / Dunya Satışda təhlükəli qarpızlar var - Diqqətli olun! Satışda təhlükəli qarpızlar var - Diqqətli olun! Sosial Lənkəran xəstəxanasında uşaq öldü Lənkəran xəstəxanasında uşaq öldü Hadise Şamaxı sakininin donmuş və parçalanmış meyiti tapılıb Şamaxı sakininin donmuş və parçalanmış meyiti tapılıb Hadise Bakıda ilginc olay: “Sabirabad qarpızı, Kürdəmir yemişi” dedi, həbs olundu Bakıda ilginc olay: “Sabirabad qarpızı, Kürdəmir yemişi” dedi, həbs olundu Iqtisadiyyat