Mustafa Kamal Atatürkün yeganə qanuni varisi, bacısı Makbule Atadanın nəvəsi Tacinur Demir CHP-yə vəsiyyət davası açıb.
Türkiyə mətbuatı xəbər verir ki, o, CHP-nin Atatürkün altı maddəlik vəsiyyətinin şərtlərinin yerinə yetirmədiyini iddia edərək, məhkəməyə müraciət edib.

Məhkəmə iddiasında göstərilir ki, Atatürkün vəsiyyətnaməsində Makbule Atadanın Çankayada yaşadığı evin həyatının sonuna qədər onun istismarında olacağı bildirilsə də, sonradan vəsiyyətnaməyə əməl edilməyib.
Atadan ölməmişdən əvvəl CHP-nin "Camlı köşk" adlanan evi alaraq dövlətə bağışladığı qeyd edilir. Həmçinin qeyd edilir ki, Çankayadakı digər daşınmaz əmlaklar da qərəzli və qanunsuz olaraq satılıb.

İddianın son bölümündə Atatürkün vəsiyyətnaməsində yer alan əmlak və daşınmaz əmlakın siyahıya alınaraq Demirə geri qaytarılması, qaytarılması mümkün olmayan, satılmış daşınan və daşınmaz əmlakın əvəzinə maddi kompensasiya ödənilməsi tələb edilir.