16-08-2019, 11:09 Oxunub: 242

Azərbaycanlı qadını qaçqın sığınacağında döydülər

Azərbaycanlı qadını qaçqın sığınacağında döydülər

Azərbaycandan olan mühacir qadın Almaniyada qaçqınlar üçün sığınacaqda döyülüb.

“Qafqazinfo” Virtualaz.org-a istinadən xəbər verir ki, ağır xəsarətlər alan Seviniya K. adlı 41 yaşlı qadın Lambshaym dairəsində, Frankentalsk şəhər xəstəxanasındadır. Onun sol ayağı sınıb və bədənində çoxsaylı xəsarətlər var.

Məlumata görə Seviniya K. Almaniyaya Azərbaycandan üç il əvvəl gedib. Peşəcə farmasevtdir, alman dilini tez öyrənib və tibb bacısı kursunu keçib. 12 gün əvvəl sığınacaqda qadınla qonşuları arasında mübahisə yaranıb.

“Söhbət adi stuldan gedirdi, mən onu həyətdən götürüb qonşunun pəncərəsinin qabağına qoymuşdum. Qəfildən qonşunun iki oğlu mənə hücum etdi. Onlar məni əlləri və ayaqları ilə vurmağa başladılar”, - qadın deyir.

Seviniya K. gələn həftə xəstəxanadan buraxılacaq və yenidən sığınacaqda, onu döyən adamlarla qonşuluqda yaşamalı olacaq.

Şəhər meri Maxael Rayt deyir ki, onlar qadına yeni mənzil tapmağa çalışırlar. “Əgər biz yeni mənzil tapa bilməsək o yenidən həmin sığınacağa qayıtmağa məcbur olacaq”,-mer deyib.

Qadına hücum edən 17 və 19 yaşlı şəxslər barəsində cinayət işi qaldırılıb, amma həbs olunmayıblar. Həmin şəxslərin hansı ölkədən olduqları göstərilmir.


Azərbaycanlı qadını qaçqın sığınacağında döydülər
Azərbaycanlı qadını qaçqın sığınacağında döydülər
Bakıda qadın ərini döyərək ağır xəsarət yetirib Bakıda qadın ərini döyərək ağır xəsarət yetirib Hadise Azərbaycanda ailə vəhşiliyi: gəlini hər gün döydülər Azərbaycanda ailə vəhşiliyi: gəlini hər gün döydülər Hadise Bakıda çay evində 40 yaşlı qadını döydülər Bakıda çay evində 40 yaşlı qadını döydülər Kriminal “Kişi evə başqa qadın gətirib, arvadına deyib ki...” “Kişi evə başqa qadın gətirib, arvadına deyib ki...” Sosial Bu qadınlar bütün şəhəri aldatdı Bu qadınlar bütün şəhəri aldatdı Hadise