Yeni tip koronavirusun müalicəsində istifadə etmək üçün aparılan araşdırmalarda ən yaxşı tərkibə sahib olduğu ehtimal edilən “Remdesivir” adlı dərmanın ilk tam sınaq nəticəsi məlum olub.

“Qardian”-ın xəbərinə görə, nəticələr preparatın koronavirusun müalicəsində effektiv olmadığını ortaya qoyub.

237 xəstə üzərində aparılan sınaqlarda dərmanın faydası olmayıb. Belə ki, 158 xəstə “Remdesivir” ilə müalicəyə cəlb edilib. Onlardan bəzilərinə dərman verilib. 79 nəfər plasebo effektinin təsirində qalıb. İki qrup arasında müalicə müddətində heç bir dəyişikliyə rast gəlinməyib. Dərmanı qəbul edənlərin 14, etməyənlərin 13%-i dünyasını dəyişib. Bəzi əks təsirləri üzə çıxmağa başlayıb. Buna görə də sınaq vaxtından əvvəl dayandırılıb.

Ümumdünya Səhiyyə Təşkilatı “Remdesivir”in müalicədə işə yaramadığına dair sənəd dərc edərək sonradan onu silmişdi. ÜST-ün sözçüsü Tarik Yasareviç sənədin hələ tam hazır olmadığını, yanlışlıqla yayımlandığını açıqlamışdı.

Qeyd edək ki, “Remdesivir” ABŞ Prezidenti Donald Tramp tərəfindən də təkidlə tövsiyə edilirdi. (publika.az)