Qubada güclü yanğın baş verib.
ANS TV-nin məlumatına görə, hadisə dünən gecə saat 22:00 radələrində Quba şəhərində qeydə alınıb.

Nəticədə Heydər Əliyev prospektindəki 4 ev əşyaları ilə birlikdə tamamilə yanıb. Yanğın Xaçmaz və Quba rayon yanğınsöndürənləri tərəfində ram edilib.

Yanan evlərin sakinləri hadisənin qəfildən baş verdiyini, ev əşyalarının və əmlaklarının tamamilə yandığını bildirdilər.
Zərərçəkən İsmayıl Nəcəfov deyir ki, həyətdən bir maşın, bir də ata-anamdan başqa heç nə çıxarda bilmədim.
Zərərçəkən Zəbisoltan Nəcəfov isə çətinliklə də olsa, yanğından xilas ola bilib.
Qonşuların sözlərinə görə, yanğınsöndürənlər hadisə yerinə həm gec çatıbar, həm də susuz.
"Yanğınsöndürənlər biri gəldi, biri getdi. O da susuz, yarımçıq. Yanğını elə özümüz vedrələrlə söndürmüşük. Saat 8 olmamış Qubanın suyunu kəsirlər. Burda yanğını söndürmək üçün su xəttləri var, amma bu xəttlərdə qətiyyən su olmur", - deyə hadisənin şahid Tural İsayev bildirib.

FHN-nin hadisə yerində olan Quba Dövlət YMH-nin rəsmilərindən səslənən ittihamlara cavab ala bilmədik. Amma Quba İcra başçısının Quba şəhəri üzrə nümayəndəsi Elxan Məhərromov məsələyə münasibət bildirdi:
"Hadisə yerinə dərhal FHN-nin əməkdaşları gəldilər. Yanğının səbəblərinə gəlincə, bu baradə məlumat sabah veriləcək.
Yanğın nəticəsində ev sahiblərindən birinə məxsus elektrik cihazlarının təmiri sexi də zərər çəkib.

Hazırda 4 ailəyə dəyən maddi ziyanın həcmi dəqiqləşdirilir.